ვფიქრობ, კულტურული მემკვიდრეობის ძეგლებსა და სამონასტრო ცხოვრებასთან დაკავშირებით, ახალ შეთანხმებას უნდა მივაღწიოთ, - ამის შესახებ კულტურისა და ძეგლთა დაცვის მინისტრმა მიხეილ გიორგაძემ ჟურნალისტებს განუცხადა.

როგორც გიორგაძემ აღნიშნა, ის რაც ვარძიაში მოხდა, ძალიან სამწუხაროა.

„რა შედეგით დასრულდება კონსერვაციის პროცესი, პირველადი გაწმენდითი სამუშაოები, ამას გვიჩვენებს ახლო მომავალი. ძალიან დიდი იმედი მაქვს, რომ როგორც პირველი შეფასებით ითქვა, პრაქტიკულად აღდგენადია ფრესკები და შემდეგ დაიწყება უკვე საკონსერვაციო სამუშაოები, სადაც როგორც ადგილობრივი, ასევე უცხოელი ძალიან მაღალი დონის კვალიფიკაციის სპეციალისტები იქნებიან ჩართულები”, - აღნიშნა მინისტრმა.

მისივე თქმით, კულტურული მემკვიდრეობის დაცვის სააგენტოსა და საპატრიარქოს ერთობლივი საბჭო აქვს შექმნილი, რომელიც სხვადასხვა ფაქტებზე მსჯელობს.

„ერთობლივი საბჭო მსჯელობს, როგორც იმ ფაქტებზე, რომელიც მედიით გავრცელდა სხვადასხვა გადაცდომებთან დაკავშირებით, სხვადასხვა კულტურულ ძეგლებზე თვითნებური ჩარევის ფაქტებზე და ერთ-ერთი გახლდათ უკვე გამოსწორებული. ეს მუდმივი თანამშრომლობის პროცესია. ვფიქრობ, რომ კიდევ უფრო დიდი აქცენტი გაკეთდება კულტურული მემკვიდრეობის ძეგლებთან დაკავშირებით, სამონასტრო ცხოვრების, იგივე სანთლების ნაწილში. ვფიქრობ, ახალ შეთანხმებას უნდა მივაღწიოთ. მაქსიმალურად ისეთი სანთლები გამოვიყენოთ, ან ისეთ ადგილას, სადაც მინიმუმამდე იქნება შანსი კედლის მხატვრობის, ფრესკების დაზიანების.  ასე რომ, ეს მუშაობა ძალიან აქტიური მიმდინარეობს უკვე დიდი ხანია”, - განაცხადა მიხეილ გიორგაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„ათასწლეულის ინოვაციის კონკურსის“ 10 ფინალისტი გუნდი გამოვლინდა. ლიბერთი, ბაზისბანკ ჯგუფი უკვე 5 წელია კონკურსის სტრატეგიული პარტნიორია

საერთაშორისო გამჭვირვალობა - - ვახო სანაია ისჯება ბიძინა ივანიშვილისა და „ქართული ოცნების“ რეჟიმის მხილების, პრინციპული პოზიციისა და საქართველოს ევროპული მომავლისთვის ბრძოლის გამო

ზურაბიშვილი ვახო სანაიაზე - საქართველო მოსკოვის სცენარს სიტყვასიტყვით იმეორებს

საქართველოს ექსპორტი $6.1 მილიარდამდე გაიზარდა - პირველ ადგილზეა მსუბუქი ავტომობილები