შინაგან საქმეთა სამინისტროს არქივმა XX საუკუნის ქართველი გმირების შთამომავლებს უმასპინძლა. შსს-ს აკადემიის და არქივის ხელმძღვანელებმა არქივის მიერ გამოცემული, 2015 წლის  კალენდარი გადასცეს,  რომელიც  ქართველი გმირების ისტორიებს ეძღვნება.

ღონისძიებას  გმირების შთამომავლები: ილამაზ მიწიშვილი, ლელა გოთუა, გურანდა ღვალაძე, გურანდა მუსხელიშვილი, რეპრესირებულთა შვილები,  შსს-ს აკადემიის რექტორი ნუკრი გელაშვილი, შსს-ს არქივის დირექტორი ომარ თუშურაშვილი და უწყების სხვა წარმომადგენლები დაესწრნენ.

2015 წლის კალენდარი ეძღვნება XX საუკუნის  ქართველ გმირებს, რომლებიც საბჭოთა რეჟიმის მიერ იდევნებოდნენ და რეპრესიების მსხვერპლი გახდნენ.  კალენდარში წარმოდგენილია 12 ქართველი მამულიშვილის ბიოგრაფიული მონაცემები, მათი ცხოვრების საინტერესო დეტალები და სამშობლოსათვის თავგანწირვის მაგალითები.  ესენი არიან: მწერალი ლევან გოთუა, ცისფერყანწელი ნიკოლო მიწიშვილის მეუღლე თამარ ბაგრატიონი, გენერალი როსტომ მუსხელიშვილი, ქაქუცა ჩოლოყაშვილის თანამებრძოლი ევგენი ღვალაძე, მომღერალი დავით (დათაშკა) კავსაძე, პატრიარქი კალისტრატე ცინცაძე, დამოუკიდებელი საქართველოს დამფუძნებელი კრების წევრი, ფილოლოგი ქრისტინე შარაშიძე და სხვანი.

ღონისძიებაზე სტუმრებს უჩვენეს  დოკუმენტური ფილმი „ბრძანება №00486“, რომელიც 1937-1938 წლებში რეპრესირებულ ქალებს ეძღვნება, მათ შორის არიან: ევგენი მიქელაძის მეუღლე ქეთევან ორახელაშვილი, რეჟისორ ლანა ღოღობერიძის დედა - ნუცა ხუციშვილი, ქართული არისტოკრატიის თვალსაჩინო წარმომადგენელი ბაბო დადიანი.  ფილმში წარმოდგენილია კინორეჟისორ ლანა ღოღობერიძის  მოგონებები, ისტორიკოსების მიმოხილვა და თავად რეპრესირებული ქალების მოგონებები. „ბრძანება №00486“- ში ასევე ნაჩვენებია ის რთული გზა, რომელიც რეპრესირებულმა ქალებმა  გადასახლებაში და სამშობლოში დაბრუნების შემდეგ განვლეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპმა რუსეთის წინააღმდეგ სანქციების შეჩერების გადაწყვეტილება მთელი მსოფლიოსთვის სასარგებლოდ შეაფასა

რუბიო: უკრაინას ჯერ არ აქვს წვდომა Starshield-ის სამხედრო სისტემაზე

აშშ-ის ვიცე-პრეზიდენტმა საფრანგეთში მიმდინარე არეულობა დასავლეთის ქვეყნების საიმიგრაციო პოლიტიკას დაუკავშირა

Z-ბლოგერებმა უარყვეს რუსეთის გენერალური შტაბის მტკიცება, რომ მათ დონეცკის ოლქის ერთ-ერთი მნიშვნელოვანი ქალაქი დაიკავეს