„მინიმალური ხელფასი - 20 ლარი სასაცილოა და შეიძლება ითქვას არაადეკვატურიც“, - ამის შესახებ სახალხო დამცველმა უჩა ნანუაშვილმა მინიმალური ხელფასის პოლიტიკის შესაბამისობასთან დაკავშირებით კვლევის პრეზენტაციისას განაცხადა.

როგორც ომბუდსმენმა აღნიშნა, ამ მიმართულებით ცვლილებები აუცილებელია.

''ჩვენ სწორედ აქცენტს ვაკეთებთ  საერთაშორისო ვალდებულებებზე. 20 ლარი მინიმალური ხელფასი სასაცილოა და შეიძლება ითქვას არაადეკვატურიც. 1999 წლის ოდენობა არ შეესაბამება დღევანდელ რეალობას. ამის გადახედვა არის მნიშვნელოვანი. ისევე როგორც საჯარო სექტორში 135 ლარი. საარსებო მინიმუმი უფრო მეტია და ცვლილებები აუცილებელია“, - განაცხადა ნანუაშვილმა.

ცნობისთვის, სახალხო დამცველის აპარატმა და პროფკავშირების გაერთიანებამ ფრიდრიხ ებერტის ფონდის მხარდაჭერით განხორციელებული ერთობლივი პროექტის ფარგლებში , საარსებო მინიმუმსა და მინიმალურ ხელფასთან დაკავშირებით, ქვეყანაში არსებული რეგულაციები შეამოწმეს და ერთობლივი რეკომენდაციები შეიმუშავეს.

სსიპ შემოსავლების სამსახურის 2016 წლის მარტის მონაცემებით საქართველოში 100 ლარზე დაბალი ხელფასი აქვს 25 001 ადამიანს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საერთაშორისო გამჭვირვალობა - - ვახო სანაია ისჯება ბიძინა ივანიშვილისა და „ქართული ოცნების“ რეჟიმის მხილების, პრინციპული პოზიციისა და საქართველოს ევროპული მომავლისთვის ბრძოლის გამო

ზურაბიშვილი ვახო სანაიაზე - საქართველო მოსკოვის სცენარს სიტყვასიტყვით იმეორებს

საქართველოს ექსპორტი $6.1 მილიარდამდე გაიზარდა - პირველ ადგილზეა მსუბუქი ავტომობილები

ჟურნალისტ ვახო სანაიას სოციალურ ქსელში დაწერილი პოსტის გამო 30-დღიანი პატიმრობა შეუფარდეს