საქართველოს გაერთიანებული პროფკავშირები ზვარეში მომხდარ ინციდენტზე მიმდინარე გამოძიების მუხლის გადაკვალიფიცირებას ითხოვს.

პროფკავშირების თავმჯდომარის, ირაკლი პეტრიაშვილის განცხადებით, საქმე ცემის მუხლით არის აღძრული, რაც არასწორია, რადგან ჩინური კომპანიის ხელმძღვანელებმა და მუშებმა ქართველ მუშებს  ფიზიკური შეურაცხყოფა ბასრი საგნებით მიაყენეს.

„მდგომარეობა გახლავთ მძიმე. შინაგან საქმეთა სამინისტროს და შესაბამის უწყებებს მოვუწოდებთ, მდგომარეობის განმუხტვის მიზნით, დროულად და ადეკვატურად ჩაერთონ გამოძიებაში. სიმშვიდის შესანარჩუნებლად საჭიროა, რომ გამოძიება აღიძრას შესაბამისი მუხლით. ამავე დროს, მოვუწოდებ ჩვენს წევრებს, საქართველოს მოქალაქეებს, შეინარჩუნონ სიმშვიდე და გამოძიების დასრულებამდე ვთხოვ არ შევიდნენ კონფლიქტში ჩინელ დამსაქმებლებთან. მათმა კონტრაქტორმა კომპანიამ „საქართველოს რკინიგზამ“, საქართველოს მთავრობამ, ჩინეთის საელჩომ ყველა ღონე უნდა იხმარონ, რომ ეს ვიგინდარა დამსაქმებლები, რომლებსაც არავითარი შეხება არ აქვთ ცივილიზაციაასთან, მოაშორონ, სანამ სიტუაცია ჯერ კიდევ კონტროლს ექვემდებარება და არ გასულა ცივილური ჩარჩოებიდან“, - განაცხადა პეტრიაშვილმა.

მისივე ინფორმაციით, გუშინ საღამოს სოფლის მოსახლეობა ტყიდან ეზიდებოდა შეშას. ჩინურმა კომპანიამ ჩათვალა,  რომ ეს იყო მათი საკუთრება, მათი შეშა და სოფლის მოსახლეობას მიაყენა ფიზიკური შეურაცხყოფა. ამასთან როგორც პეტრიაშვილმა აღნიშნა, მუშები მოსახლეობის დაცვას ცდილობდნენ, რასაც ჩხუბი მოჰყვა.

ცნობისთვის, ხარაგაულის რაიონის სოფელ ზვარეში მომხდარი ინციდენტის შედეგად დაშავებული რამდენიმე მუშის მდგომარეობა საშუალო სიმძიმისაა. როგორც "ექსპრესნიუსს" რეგიონალური ჯანდაცვის ცენტრის ხარაგაულის ფილიალის დირექტორმა ქეთევან აბრამიშვილმა განუცხადა, მათ დაზიანებები თავისა და ხელის არეში აღენიშნებოდათ.

მომხდარზე გამოძიება შინაგან საქმეთა სამინისტრომ სსკ-ის 125-ე მუხლით დაიწყო, რაც ცემას გულისხმობს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ეუთო-ს საპარლამენტო ასამბლეის ვიცე-პრეზიდენტი - შეწყვიტეთ ოპოზიციური პარტიების აკრძალვის მცდელობა და დაუბრუნდით დემოკრატიის გზას

პროკურატურა - თამაზ ელიზბარაშვილმა საპროცესო შეთანხმება მოითხოვა მისი განმარტებით, მისთვის ფიზიკური შეურაცხყოფა არ მიუყენებიათ

პენტაგონი ახლო აღმოსავლეთში განლაგებული ობიექტებიდან ჯარისკაცების ნაწილს გაიყვანს

ევროკავშირის ქვეყნები უკრაინის კონფლიქტის მოგვარებაზე რუსეთთან მომლაპარაკებლის კანდიდატურას განიხილავენ