კობახიძე სააკაშვილზე: მან და შესაბამისად, მისმა კომენტარებმა ქართულ პოლიტიკაში აქტუალობა უკვე დაკარგა

2016-10-31 21:23:24, 846 ნახვა

პოლიტიკა

მიხეილ სააკაშვილმა და, შესაბამისად, მისმა კომენტარებმა, ქართულ პოლიტიკაში აქტუალობა უკვე დაკარგა, - ასე ეხმაურება ”ქართული ოცნების” აღმასრულებელმა მდივანმა ირაკლი კობახიძე არჩევნების შედეგებთან დაკავშირებით, საქართველოს ყოფილი პრეზიდენტის, ოდესის ოლქის გუბერნატორის, მიხეილ სააკაშვილის მიერ გაკეთებულ განცხადებას.

როგორც კობახიზემ ჟურნალისტებს განუცხადა, "ეს არის დღევანდელი რეალობა და, შესაბამისად, ამ საკითხთან დაკავშირებით ჩვენ რაიმე სერიოზულ კომენტარს ვერ გავაკეთებთ".

”მიხეილ სააკაშვილმა და, შესაბამისად, მისმა კომენტარებმა, ქართულ პოლიტიკაში აქტუალობა უკვე დაკარგა. ეს არის დღევანდელი რეალობა და, შესაბამისად, ამ საკითხთან დაკავშირებით ჩვენ რაიმე სერიოზულ კომენტარს ვერ გავაკეთებთ”, - აღნიშნა კობახიძემ.

კობახიძემ სამთავრობო გუნდის ფორმირებაზეც ისაუბრა და აღნიშნა, რომ სამთავრობო გუნდის დაკომპლექტება და მასში ცვლილებების განხორციელება პრემიერ-მინისტრის პრეროგატივაა და ამაზე კომენტარს სწორედ პრემიერი გააკეთებს.

მისი ინფორმაციით, ”ქართულ ოცნებას” აქვს კონკრეტული გეგმა, რომლითაც ხელისუფლების ყველა ორგანო იმოქმედებს.

”ჩვენ გვაქვს კონკრეტული გეგმა, რომელიც ასახულია ჩვენს წინასაარჩევნო პროგრამაში და ხელისუფლების ყველა ორგანო იმოქმედებს ამ გეგმის, წინასაარჩევნო პროგრამის შესაბამისად. ეს არის ძალიან ამბიციური და ამავდროულად რეალისტური დოკუმენტი”, - განაცხადა ”ქართული ოცნების” აღმასრულებელმა მდივანმა.