ცესკო-ს ინფორმაციით, ყველა საარჩევნო უბანი დროულად დაიხურა

2016-10-30 21:23:03, 759 ნახვა

პოლიტიკა

ცენტრალური საარჩევნო კომისიის ინფორმაციით, საქართველოს მასშტაბით ყველა საარჩევნო უბანი, კანონის შესაბამისად, 20:00 საათზე დაიხურა.

ამ დროისთვის საარჩევნო უბნებზე ხმების დათვლა მიმდინარეობს.

ცნობისთვის, არჩევნები 50 მაჟორიტარულ საარჩევნო ოლქში გაიმართა. ასევე, პარლამენტის არჩევნებთან ერთად, აჭარის უმაღლესი საბჭოს არჩევნების მეორე ტურები აჭარის ექვსივე მაჟორიტარულ ოლქშიც ჩატარდა გარდა ამისა, დღეს ახალციხეში მერის, ხოლო ზუგდიდში, ხარაგაულსა და ბოლნისში გამგებლის რიგგარეშე არჩევნების მეორე ტურები გაიმართა, ხოლო ლაგოდეხსა და სენაკში კი საკრებულოს შუალედური არჩევნები.

არჩევნები საერთო ჯამში 2 229 საარჩევნო უბანზე ჩატარდა, მათ შორის, 9 გამონაკლის შემთხვევაში შექმნილი უბანია. ამომრჩეველთა საერთო რაოდენობა ჯამში 2 478 042 იყო.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან