შერიგებისა და სამოქალაქო თანასწორობის საკითხებში სახელმწიფო მინისტრ პაატა ზაქარეიშვილის შეფასებით, რუსეთსა და ოკუპირებულ ცხინვალს შორის გაფორმებული ე.წ. ხელშეკრულება არანაირი ძალის მქონე არაა.

მისივე თქმით, მთელი მსოფლიო ამბობს, რომ ე.წ. ხელშეკრულება  რუსეთსა და  ოკუპირებულ ცხინვალს შორის,  არაფერი არაა.

"არსებობს სამი ვარიანტი- პირველი, რომ ვინმემ სცნოს ეს დოკუმენტი და ამას აკეთებს მხოლოდ რუსეთი და თავად ოსური მხარე, მეორე არის, რომ  გააკეთონ ისე,  თითქოს არაფერი ხდება, რასაც ადგილი ჰქონდა წინა ხელისუფლების დროს და მესამე-შეაფასონ როგორც უკანონო, არაფრის მქონე, არანაირი ძალის მქონე დოკუმენტი,  მთელი მსოფლიო მკაფიოდ ამბობს, რომ არაფერი არაა. სწორედ ესაა ყველაზე ეფექტური ფორმა, როდესაც მისგან არაფერი არ რჩება გარდა იმისა, რომ  ეს არის რაღაც ქაღალდი, რომელსაც ვიღაცებმა  ხელი მოაწერეს",-განაცხადა პაატა ზაქარეიშვილა.

შეგახსენებთ, რუსეთის ფედერაციასა და ოკუპირებულ  სამხრეთ ოსეთს შორის „მოკავშირეობისა და ინტეგრაციის შესახებ" ე.წ.  ხელშეკრულებას  მხარეებმა  ხელი გუშინ მოაწერეს. მოკავშირეობისა და ინტეგრაციის შესახებ ხელშეკრულებას ხელი რუსეთის  ფედერაციის პრეზიდენტმა ვლადიმერ პუტინმა და ოკუპირებული  სამხრეთ ოსეთის  პრეზიდენტმა ლეონიდ თიბილოვმა მოაწერეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ოპოზიციის ალიანსი: 9 აპრილი სიმბოლოა, რომ ქართველები თავისუფლებისთვის ბრძოლას არ შეწყვეტენ

მაგთიკომი: ინტერნეტის გათიშვა გლობალურ ქსელზე შექმნილმა პრობლემამ გამოიწვია

სალომე ზურაბიშვილი: საჭიროა, ახალი პარტიები გამოჩდნენ

მეუფე შიომ 9 აპრილის მემორიალთან თავისუფლების მნიშვნელობაზე ისაუბრა