კახა კალაძე: ვთხოვ მოსახლეობას, თავი შეიკავონ

2015-03-19 13:17:24, 478 ნახვა

პოლიტიკა

ენერგეტიკის მინისტრი კახა კალაძე მოსახლეობას სთხოვს, თავი შეიკავონ საპარლამენტო ოპოზიციიის პროვოკაციებისგან, - აღნიშნული განცხადება კალაძემ ზუგდიდში მომხდარი ინციდენტის კომენტირებისას გააკეთა.

"ჩვენს ქვეყანაში ყველას აქვს უფლება გამოხატოს თავისი აზრი. ის დრო დასრულებულია, როდესაც განსხვავებული პოლიტიკური აზრის მქონე ადამიანებს დევნიდნენ, ხელკეტებით სცემდნენ. ეს დრო დამთავრდა. ზუგდიდს რაც შეეხება, ჩვენ კატეგორიულად ვგმობთ და ვემიკნებით ყოველგვარ დაპირისპირებას. ძალიან კარგად მესმის იმ ადამიანების, ვისაც შეეხოთ ნაციონალების 9 წლიანი რეჟიმი. მინდა ვთხოვო ყველა ადამიანს, მაქსიმალურად თავი შეიკავონ ნაციონალური მოძრაობის პროვოკაციებისგან",-განაცხადა კალაძემ.

შეგახსენებთ, რომ ზუგდიდში, ბავშვებისთვის სკანდალური ფილმის ჩვენებას პრემიერმინისტრმა ირაკლი ღარიბაშვილმა პროვოკაცია უწოდა და აღნიშნა, რომ ბავშვები ზუგდიდში "თავისუფალი ზონის" აქტივისტებმა მიიყვანეს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან