გამოძიების ფედერალური ბიურო აშშ-ის პრეზიდენტობის კანდიდატის, ჰილარი კლინტონის ელექტრონული ფოსტის მიმოწერით ისევ დაინტერესდა, - ამის შესახებ BBC იუწყება.

აშშ-ის გამოძიების ფედერალური ბიუროს ხელმძღვანელის ჯეიმს კომის განცხადებით, გამომძიებლებმა ახალი ელექტრონული ფოსტა აღმოაჩინეს, რის გამოც გამოძიება განახლდა.

„აუცილებელია დადგინდეს, შეიცავს თუ არა წერილები საიდუმლო ინფორმაციას“, - განაცხადა ჯეიმს კომიმ. 

აშშ-ის პრეზიდენტობის კანდიდატი დარწმუნებულია, რომ პირად ელ-ფოსტის სერვერთან დაკავშირებით FBI-ის ახალი გამოძიება მის უდანაშაულობას დაამტკიცებს.

როგორც კლინტონმა აღნშნა, არჩევნებამდე 11 დღეა დარჩენილი და ამის გათვალისწინებით, გამოძიების ფედერალურმა ბიურომ აღნიშნულ კითხვას პასუხი დაუყოვნებლივ უნდა გასცეს.

"ამერიკელი ხალხი იმსახურებს ყველა ფაქტის შესახებ ინფორმაცია დაუყოვნებლივ მიიღოს. ვიცი, რომ ივლისში მიღებული შედეგი არ შეიცვლება და გამოძიება დაადასტურებს ჩემს უდანაშაულობას", - განაცხადა კლინტონმა.

ცნობისთვის, მიმდინარე წლის 7 ივლისს, აშშ-ის ყოფილი სახელმწიფო მდივნის ჰილარი კლინტონის წინააღმდეგ გამოძიება შეწყდა. ამერიკის გენერალური პროკურორი, ლორენტა ლინჩი აცხადებდა, ელექტრონული მიმოწერის საქმეზე ჰილარი კლინტონს ბრალს აღარ წაუყენებდნენ.

აღსანიშნავია, რომ სამსახურეობრივი დანიშნულებით პირადი ფოსტის გამოყენება ფედერალური კანონით იკრძალება, რის გამოც ჰილარი კლინტონს ბოდიშის მოხდა არაერთხელ მოუწია. 

შეგახსენებთ, რომ სახელმწიფო დეპარტამენტის ცნობით, კლინტონი 2009-2013 წლებში სახელმწიფო ელექტრონული ფოსტით არ სარგებლობდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ვენსმა უარი თქვა ნეთანიაჰუს მხარდაჭერაზე არჩევნებში, ტრამპის მხარდაჭერის მიუხედავად

ოსლოში შეხვედრაზე ვიტკოფი ზელენსკის თხოვს დათმოს უკრაინის ტერიტორიები პუტინისთვის - The New York Times

ევროპის საბჭოს გენერალური მდივანი - ევროპა ოპოზიციის აკრძალვის შესახებ მოსმენების წინ, დააკვირდება ყველა მოქალაქის ფუნდამენტური უფლებებისა და თავისუფლებების დაცვას

დიდი ბრიტანეთი საუდის არაბეთში ჰუსიტების თავდასხმებისგან დასაცავად Typhoon-ის გამანადგურებლებს გაგზავნის