აზერბაიჯანში ანტიტერორისტული ოპერაციის დროს ორი ტერორისტი მოკლეს

2016-10-28 15:42:08, 2233 ნახვა

მსოფლიო

აზერბაიჯანის ხელისუფლებამ ორი ტერორისტის ლიკვიდაციის შესახებ განაცხადა, - ამის შესახებ სააგენტო Trend-ი ქვეყნის სახელმწიფო უსაფრთხოების სამსახურზე დაყრდნობით იუწყება.

როგორც მედია საშუალება წერს, 27 ოქტომბერს ანტიტერორისტული ოპერაციის შედეგად მოკლულია ორი, ხოლო დაკავებულია ერთი ტერორისტი.

მედიის ცნობით, უწყებამ მიიღო ინფორმაცია ქვეყნის ტერიტორიაზე შეიარაღებული დაჯგუფების შექმნის შესახებ.

უსაფრთხოების სამსახურის განცხადებით, დაჯგუფებას კავშირი ჰქონდა სხვა ქვეყნებში შეიარაღებულ კონფლიქტში ჩართულ ტერორისტულ დაჯგუფებებთან.

Trend-ის ინფორმაციით, დაჯგუფება აზერბაიჯანის ტერიტორიაზე თავდასხმებს გეგმავდა.

ამასთან, ტერორისტებს ასაფეთქებელი მოწყობილობები აღმოაჩნდათ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან