სირიაში ბოლო ორი წლის განმავლობაში აშშ-ის ხელმძღვანელობით მოქმედი კოალიციის ავიადარტყმებს სულ მცირე 300 მშვიდობიანი მცხოვრები ემსხვერპლა, - ამის შესახებ BBC უფლებადამცველ ორგანიზაცია Amnesty International-ზე დაყრდნობით იუწყება.

როგორც ბეირუთში ორგანიზაციის წარმომადგენელმა, ლინ მაალუფმა განაცხადა, ხელმისაწვდომი მონაცემების ანალიზი მეტყველებს, რომ თითოეულ შემთხვევში კოალიციის ძალები არ მიმართავდნენ უსაფრთხოების ადეკვატურ ზომებს, რათა მშვიდობიან მოსახლეობას შორის დანაკარგი და სამოქალაქო ობიექტების ნგრევა მინიმუმამდე შეემცირებინათ.

"ვშიშობთ, აშშ-ის ხელმძღვანელობით მოქმედი კოალიცია სათანადოდ არ აფასებს სირიაში ოპერაციების დროს მშვიდობიანი მოსახლეობისთვის მიყენებულ ზიანს”, - განაცხადა ლინ მაალუფმა.

Amnesty-ს ანგარიში სირიელი უფლებადამცველებისა და ადგილობრივი სადამკვირვებლო ორგანიზაციების მიერ მიღებულ მონაცემებს ეყრდნობა.

ორგანიზაციაში განაცხადეს, რომ კოალიციის 11 ავიადარტყმას დაახლოებით 300 მშვიდობიანი მცხოვრები ემსხვერპლა, სამხედროები კი მხოლოდ ერთი ადამიანის გარდაცვალებას აღიარებენ.

ცნობისთვის, პენტაგონს უფლებადამცველების ანგარიშთან დაკავშირებით კომენტარი ჯერ არ გაუკეთებია.

შეგახსენებთ, რომ სექტემბრის ბოლოს სირიაში რუსეთის შეიარაღებული ძალების ქმედებებს 9364 მშვიდობიანი მცხოვრები ემსვერპლა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ოსლოში შეხვედრაზე ვიტკოფი ზელენსკის თხოვს დათმოს უკრაინის ტერიტორიები პუტინისთვის - The New York Times

ევროპის საბჭოს გენერალური მდივანი - ევროპა ოპოზიციის აკრძალვის შესახებ მოსმენების წინ, დააკვირდება ყველა მოქალაქის ფუნდამენტური უფლებებისა და თავისუფლებების დაცვას

დიდი ბრიტანეთი საუდის არაბეთში ჰუსიტების თავდასხმებისგან დასაცავად Typhoon-ის გამანადგურებლებს გაგზავნის

პენიტენციური ამტკიცებს რომ დავით ფეიქრიშვილმა მინები ჩაამტვრია და თვითდაზიანება სცადა, პატიმრებს დეზორგანიზაციისკენ მოუწოდებდა