„ვფიქრობ, რომ "ქართული ოცნების" შემადგენლობაში ახლა არ არის არც ერთი წარმომადგენელი, რომელიც იქნებოდა კარგი თავმჯდომარე“, - ამის შესახებ "რესპუბლიკური პარტიის" ერთ-ერთმა ლიდერმა ლევან ბერძენიშვილმა "ესქსპრესნიუსთან" ინტერვიუში განაცხადა.

ბერძენიშვილი ირაკლი კობახიძის პარლამენტის თავმჯდომარედ შესაძლო შერჩევასაც გამოეხმაურა და აღნიშნა, რომ ის მეტისმეტად ახალგაზრდაა.

"ირაკლი კობახიძეს ჩვენ ვიცნობთ მარტო მისი აგრესიული განცხადებებით სხვა პარტიების მიმართ. პარლამენტის თავმჯდომარე ასეთი უხეში თუ იქნება და ასეთი აგდებული ტონით თუ ილაპარაკებს იქვე მყოფ მოწინააღმდეგეებზე, რა თქმა უნდა ის ვერ შედგება კარგ თავმჯდომარედ. ვთვლი, რომ მეტისმეტად ახალგაზრდაა, რაც იქნება პრობლემა. მიშას დროს მსგავსი გადაწყვეტილებები გვახსოვს, ადამიანები პირდაპირ სტუდენტური სკამიდან, მინისტრები გახდნენ და არცერთმა არ გაამართლა. პარლამენტის თავმჯდომარის ძირითადი ფუნქცია არის მოწინააღმდეგეებთან ლაპარაკი, თორემ შინაურებში ლაპარაკს რა უნდა. უსუფაშვილი იყო ბრწყინვალე იმით, რომ არც "ქართულ ოცნებას" უყვარდა და არცერთ ფრაქციას "რესპუბლიკელების" გარდა, მაგრამ ყველასთან ჰქონდა ურთიერთობა და პარლამენტმა იმუშავა. ველოდებით უხეშ და ზოგ შემთხვევაში უზრდელ მმართველობას, როცა საკონსტიტუციო უმრავლესობა გყავს. კარგი თავმჯდომარე უსუფაშვილის, ბაქრაძის, თუნდაც ნინო ბურჯანაძის ან ზურაბ ჟვანიას ტოლფარდი, რომ არ ჰყავთ, ეს ნათელია. მათ უნდა აირჩიონ უკეთესი თავისი რიგებიდან. თუ ჩემი რჩევა მტრულ რჩევად არ აღიქმება, ცოტა ავტორიტეტული და ასაკოვანი კაცი აირჩიონ, რომ ასაკს მაინც სცეს პატივი ვიღაცამ. უზრდელი თავმჯდომარე ამ ისედაც წამხდარ საქმეს უარესად დააზიანებს. ის, რომ ირაკლი კობახიძე კარგი თავმჯდომარე იქნება ამის შანსი არის 1%. როგორც მე ვიცი, მათ ირაკლი კობახიძეზე ადრე ჰქონდათ მიღებული გადაწყვეტილება, ახლა კი საკითხი ხელახლა გაიხსნა კამათისთვის. თუმცა მე ამ კანდიდატურას არ გამოვრიცხავ", - განაცხადა ბერძენიშვილა.

ინტერვიუ ლევან ბერძენიშვილთან

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მეუფე საბა - მეუფე შიოს 50% +1 ხმა უკვე აქვს, თუმცა, ეს იმას არ ნიშნავს, რომ გაფართოებული კრების ჩატარებას მნიშვნელობა არ აქვს

მიტროპოლიტმა ისაიამ სინოდის სხდომაზე პატრიარქობის კანდიდატად საკუთარი თავის დასახელების სურვილი გამოთქვა, თუმცა სინოდმა მხარი არ დაუჭირა

მარნეულში 10 წლის ბავშვს მანქანა დაეჯახა, იგი გარდაიცვალა, კლინიკასთან დაძაბულეობა იყო

ლევან სუთიძე - მეუფე შიომ მხარდაჭერა უკვე კამპანიის დროს მოიპოვა