ვაშინგტონში მიიჩნევენ, რომ "ისლამური სახელმწიფოს" მებრძოლებმა მოსულში მშვიდობიანი მოსახლეობა, შესაძლოა, ცოცხალ ფარად გამოიყენონ, - ამის შესახებ BBC თეთრი სახლის პრესმდივანზე ჯოშ ერნესტზე დაყრდნობით იუწყება. 

როგორც ერნესტმა აღნიშნა, მებრძოლები სამოქალაქო პირებს დარტყმის ქვეშ უყოყმანოდ დააყენებენ.

"როგორც ველოდებით, ისინი უყოყმანოდ დააყენებენ სამოქალაქო პირებს დარტყმის ქვეშ ქალაქის დაცვის დროს. ვვარაუდობთ, რომ ისინი გამოიყენებენ უზნეო და საშიშ ხერხებს იმისთვის, რომ ქალაქი შეინარჩუნონ", - განაცხადა ერნესტმა. 

ამავე დროს, თეთრი სახლის წარმომადგენელმა აღნიშნა, რომ  ერაყის შეიარაღებული ძალები უპირატესობას ფლობენ, რადგან მათ აშშ და კოალიციის პარტნიორები ავიადარტყმებით ეხმარებიან.

მისივე განმარტებით, აშშ-ის ხელმძღვანეობით მოქმედი საერთაშორისო კოალიცია, ეცდება, რაც შეიძლება მეტი ადამიანი გადაარჩნოს.

"თუმცა იმაზე ფიქრი, რომ ერაყის ძალებმა უნდა გადადონ ეს ოპერაცია შესაძლო ჰუმანიტარული შედეგების გამო, აზრს მოკლებულია", -  განაცხადა თეთრი სახლის პრესმდივანმა.

გაერო-ს შეფასებით, მოსულის გათავისუფლების ოპერაციის ჰუმანიტარული შედეგები შესაძლოა 1,2 მილიონ ადამიანს შეეხოს. უცნობია, ზუსტად რამდენი ადამიანია დარჩენილი ერაყის სიდიდით მეორე ქალაქში. "ისლამური სახელმწიფოს" მიერ მოსულის დაკავებამდე ქალაქში ორ მილიონზე მეტი ადამიანი ცხოვრობდა. ექსტრემისტებმა მოსულზე კონტროლი 2014 წელს დაამაყარეს.

ერაყის შეიარაღებულმა ძალებმა ქურთ მებრძოლთა რაზმებთან ერთად მოსულის გათავისუფლების ოპერაცია 17 ოქტომბერს დაიწყეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ევროპის საბჭოს გენერალური მდივანი - ევროპა ოპოზიციის აკრძალვის შესახებ მოსმენების წინ, დააკვირდება ყველა მოქალაქის ფუნდამენტური უფლებებისა და თავისუფლებების დაცვას

დიდი ბრიტანეთი საუდის არაბეთში ჰუსიტების თავდასხმებისგან დასაცავად Typhoon-ის გამანადგურებლებს გაგზავნის

პენიტენციური ამტკიცებს რომ დავით ფეიქრიშვილმა მინები ჩაამტვრია და თვითდაზიანება სცადა, პატიმრებს დეზორგანიზაციისკენ მოუწოდებდა

ივანიშვილის წარმომადგენელი კობახიძე ოპოზიციურ პარტიებს ჰიტლერს ადარებს და მათი აკრძალვის აუცილებლობაზე საუბრობს