ფრანგულ-ქართული თანამშრომლობის ფარგლებში, საფრანგეთის ეროვნული სამხედრო ფლოტი ავიზო "პრემიე მეტრ ლ'ერი" ბათუმის პორტში შემოვიდა 2016 წლის 17-დან 20 ოქტომბრამდე.

17 ოქტომბერს, 09:30 სთ-ზე დახვედრის ცერემონიალს აჭარის მთავრობის თავმჯდომარე ზურაბ პატარაძე, ქალაქ ბათუმის მერი გიორგი ერმაკოვი და საფრანგეთის ელჩი, პასკალ მენიესთან ერთად ესწრებოდა.

10:30-დან 13:00 სთ-მდე ჩატარდება ოფიციალური შეხვედრები ადგილობრივ ხელისუფლებასა და სანაპირო დაცვის დეპარტამენტის ხელმძღვანელობასთან.

ორშაბათს, 17 ოქტომბერს, 17:00სთ-ზე, საფრანგეთის ელჩი გადასცემს საქართველოს თავდაცვის სამინისტროს საფრანგეთის თავდაცვის მინისტრის, ბატონი ჟანივ ლე დრიანის გადაწყვეტილებით საჩხერის სამთო მომზადების სკოლისათვის შეძენილი აღჭურვილობის ნაწილს.

ოთხშაბათს, 19 ოქტომბერს, " პრემიე მეტრ ლ'ერი " ეკიპაჟის წევრები ეწვევიან ბათუმის ნ°2 საჯარო სკოლასა (11:30 სთ) და ბათუმის სახელმწიფო უნივერსიტეტს (16:00 სთ) ფრანკოფონ მოსწავლეებსა და სტუდენტებთან შეხვედრის მიზნით.

დათვალიერების მსურველთათვის გემი ღია იქნება ოთხშაბათს, 19 ოქტომბერს, 16:30-დან 18:00სთ-მდე.

ფრანგი მეზღვაურები და საქართველოს სანაპირო დაცვის დეპარტამენტის თანამშრომლები ისარგებლებენ შემთხვევით და ერთობლივ წვრთნებს ჩაატარებენ. წვრთნები ყვინთვაში გაიმართება სამშაბათს, 18 ოქტომბერს, 09:00-დან 11:00 სთ-მდე, ხოლო აბორდაჟის ოპერაცია ოთხშაბათს, 19 ოქტომბერს, 09:00-დან 11:00 სთ-მდე და ხუთშაბათს, 20 ოქტომბერს.

ავიზო "პრემიე მეტრ ლ'ერი" ბათუმის პორტს დატოვებს ხუთშაბათს, 20 ოქტომბერს, 09:00 სთ-ზე.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

დააკავეს არასრულწლოვანი, რომელმაც 32 წლის კაცს დანით მრავლობით ჭრილობები მიაყენა და ადგილიდან მიიმალა

საიტზე გამოქვეყნებული ჯარში გაწვევის უწყება ჩაბარებულად ჩაითვლება - უცხოეთში მყოფი წვევამდელი ვალდებული იქნება დაბრუნდეს

შსს 24-საათიანი პროტესტის უფლებას არ გვაძლევს – დიუშენით დაავადებული ბავშვების მშობლები

ტრამპი ირანს - გახსენით ორმუზის სრუტე, გიჟო ნაძირლებო, თორემ იცხოვრებთ ჯოჯოხეთში