ევროკავშირის საგარეო საქმეთა მინისტრები რუსეთის წინააღმდეგ სირიის გამო დამატებითი სანქციების დაწესების საკითხს არ განიხილავენ, თუმცა შესაძლოა, ზომები ბაშარ ასადის მთავრობის წინააღმდეგ აამოქმედონ, - ამის შესახებ ევროკავშირის უმაღლესმა კომისარმა საგარეო პოლიტიკისა და უსაფრთხოების საკითხებში, ფედერიკა მოგერინიმ ლუქსემბურგში საგარეო საქმეთა მინისტრების შესხვედრის დაწყებამდე განაცხადა.

როგორც მოგერინიმა აღნიშნა, ლუქსემბურგში მიმდინარე შეხვედრაზე რუსეთის წინააღმდეგ ახალი სანქციების დაწესების საკითხი არ განიხილება, რადგან აღნიშნული ინიციატივით ევროკავშირის წევრი არც ერთი ქვეყანა არ გამოსულა.

თუმცა მისივე განცხადებით, დღის წესრიგში სირიის რეჟიმის წინააღმდეგ სანქციების დაწესების საკითხია.

ლუქსემბურგის საგარეო საქმეთა მინისტრმა ჟან ასელბორნმა ასევე დაადასტურა, რომ მინისტრები დღევანდელ შეხვედრაზე რუსეთის წინააღმდეგ საქნციების გაფართოებას არ განიხილავენ.

მისი განმარტებით, ამჟამად ევროპულ ქვეყნებს შორის აღნიშნულ საკითხზე კონსენსუსი არ არის. ასელბორნი მიიჩნევს, რომ რუსეთის წინააღმდეგ დამატებითი შეზღუდვების შემოღება ამჟამად კონტრპორდუქტიული იქნება.

ცნობისთვის, დამატებითი ანტირუსულ სანქციებს მხარს უჭერს დიდი ბრიტანეთს საგარეო საქმეთა მინისტრი ბორის ჯონსონი.

როგორც ბორის ჯონსონმა აღნიშნა, სწორედ მოსკოვზე, და არა ბაშარ ასადის რეჟიმზეა დამოკიდბეული, შეწყდება თუ არა სისხლისღვრა სირიაში, კერძოდ კი, ალეპოში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ევროპის საბჭოს გენერალური მდივანი - ევროპა ოპოზიციის აკრძალვის შესახებ მოსმენების წინ, დააკვირდება ყველა მოქალაქის ფუნდამენტური უფლებებისა და თავისუფლებების დაცვას

დიდი ბრიტანეთი საუდის არაბეთში ჰუსიტების თავდასხმებისგან დასაცავად Typhoon-ის გამანადგურებლებს გაგზავნის

პენიტენციური ამტკიცებს რომ დავით ფეიქრიშვილმა მინები ჩაამტვრია და თვითდაზიანება სცადა, პატიმრებს დეზორგანიზაციისკენ მოუწოდებდა

ივანიშვილის წარმომადგენელი კობახიძე ოპოზიციურ პარტიებს ჰიტლერს ადარებს და მათი აკრძალვის აუცილებლობაზე საუბრობს