2016-10-16 13:07:43, 792 ნახვა
საზოგადოება
მდგომარეობის დასტაბილურების შემთხვევაში, 16 წლის გოგონას ოპერაცია ხერხემალზეც ჩაუტარდება
იაშვილის საავადმყოფოს კრიტიკული მედიცინის დეპარტამენტში( რეანიმაციაში) მწოლიარე 16 წლის პაციენტს ჩაუტარდა ტრავმატოლოგიური ოპერაცია - ბარძაყისა და წვივის ძვლების ოსტეოსინთეზი - მოტეხილი ძვლების ფრაგმენტების აღდგენა.
ამის შესახებ „ექსპრესნიუსს“ იაშვილის კლინიკის პრესსამსახურში განუცხადეს.
მათივე ცნობით, პაციენტი ნეიროქირურგის დაკვირვების ქვეშ იმყოფება და მდგომარეობის დასტაბილურების შემთხვევაში, ხერხემალზე ოპერაცია იგეგმება.
შეგახსენებთ, ნაძალადევის რაიონში, ნინუას ქუჩაზე მდებარე საცხოვრებელი კორპუსის მე-3 სართულიდან 16 წლის გოგონა გადავარდა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
