აჭარის მთავრობის თავმჯდომარემ არჩილ ხაბაძემ, ყინულის სასახლეში, ბათუმის სტადიონის გამარჯვებული პროექტი წარადგინა.

ღონისძიებას აჭარის ფინანსთა და ეკონომიკის მინისტრი დავით ბალაძე და სხვა ოფიციალური პირები, სპორტსმენები, გულშემატკივრები და საზოგადოების სხვა წარმომადგენლები დაესწრნენ.

აჭარის მთავრობის პრესსამსახურის ინფორმაციით, 22 წევრიანმა სპეციალურმა კომისიამ საბოლოო არჩევანი ესპანურ პროექტზე შეაჩერა. შპს „iberproex engineering & project management” -ის მიერ მომზადებული პროექტის მიხედვით 2017 წელს  ბათუმში  ლეონიძის ქუჩაზე ე.წ „ელექტრ ო კარის“ ტერიტორიაზე არსებულ  8,4 ჰა მიწის ნაკვეთზე  აშენდება 20 000 მაყურებელზე გათვლილი სტადიონი. სტადიონის ტერიტორიაზე სპორტული ტერიტორია, ფრენბურთის მოედანი, სარეკრეაციო ზონა, რესტორნები, მაღაზიები, სავაჭრო ობიექტები და საინფორმაციო პუნქტები მოეწყობა. სტადიონზე ასევე VIP და მედიის სამუშაო ადგილები, სასწრაფო სამედიცინო დახმარების მანქანები განთავსდება.

სტადიონს მრავალფუნქციური დატვირთვა ექნება და სპორტული ღონისძიებების გარდა კონცერტებისა და სხვა ტიპის ღონისძიებების გამართვა იქნება შესაძლებელი.

სტადიონის ექსტერიერის დიზაინში ტალღოვანი ზოლები დაკლაკნილი ხვეულებით მდინარე ჭოროხის შესართავსა და შავი ზღვის ტალღებს ასახავს. სტადიონი საქართველოსა და აჭარის ავტონომიური რესპუბლიკის დროშის ფერებშია გადაწყვეტილი.

გამარჯვებული პროექტის მიხედვით, მოხდება 8.4 ჰექტრის ათვისება. სტადიონის ფართობი მოიცავს 39 000 კვ. მეტრს. საცალფეხო გზას დაეთმობა 42 100 კვ მეტრი, ხოლო ფრენბურთის პავილიონისთვის გამოყოფილია 3600 კვ. მეტრი.

სპორტულ მოედანზე სხვადასხვა ტიპის სპორტული შეჯიბრება ჩატარდება. მათ შორის გიამართება ფეხბურთის, მძლეოსნობისა და ფრენბურთის შეჯიბრებები. სტადიონი UEFA-სა და FIFA-ს სტანდარტებს უპასუხებს. სტადიონი მძლეოსნობაში საერთაშორისო შეჯიბრებების ჩატარების შესაძლებლობით IAAF-ის მოთხოვნებს დააკმაყოფილებს.

სტადიონის ავტოსადგომი 2000 მანქანას დაიტევს. გამარჯვებული პროექტის ღირებულება 579 000 ლარია.

 “ეს არ იქნება მხოლოდ ადგილობრივი მნიშვნელობის, არამედ ქვეყნის და მთლიანად კავკასიის მასშტაბით გამორჩეული დიზაინის და სტანდარტების სპორტული ობიექტი. ის დააკმაყოფილებს ფიფასა და უეფას მოთხოვნებს, იქნება მრავალფუნქციური და კეთილმოწყობილი“, - განაცხადა არჩილ ხაბაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საერთაშორისო გამჭვირვალობა - - ვახო სანაია ისჯება ბიძინა ივანიშვილისა და „ქართული ოცნების“ რეჟიმის მხილების, პრინციპული პოზიციისა და საქართველოს ევროპული მომავლისთვის ბრძოლის გამო

ზურაბიშვილი ვახო სანაიაზე - საქართველო მოსკოვის სცენარს სიტყვასიტყვით იმეორებს

საქართველოს ექსპორტი $6.1 მილიარდამდე გაიზარდა - პირველ ადგილზეა მსუბუქი ავტომობილები

ჟურნალისტ ვახო სანაიას სოციალურ ქსელში დაწერილი პოსტის გამო 30-დღიანი პატიმრობა შეუფარდეს