თბილისში 16 წლის გოგონა მე-3 სართულიდან გადავარდა

2016-10-15 18:05:48, 707 ნახვა

საზოგადოება

თბილისში, ნაძალადევის რაიონში, ნინუას ქუჩაზე მდებარე საცხოვრებელი კორპუსის მე-3 სართულიდან 16 წლის გოგონა გადავარდა.

როგორც "ექსპრესნიუსს" სასწრაფო სამედიცინო დახმარების ცენტრის საზოგადოებასთან ურთიერთობის სამსახურში განუცხადეს, გოგონა ქვედა კიდურების ტრავმით იაშვილის სახელობის კლინიკაშია გადაყვანილი.

კლინიკის პრეს-სამსახურის ცნობით, პაციენტი ამ დროისთვის რეანიმაციულ განყოფილებაში იმყოფება.

„დღეს, 15:20 საათზე სასწრაფო სამედიცინო დახმარების მიერ კლინიკაში ფეხების, მენჯის და ხერხემლის სავარაუდო ტრამვით 16 წლის გოგონაა შემოყვანილი. უტარდება კვლევები. რამდენიმე საათში გვექნება კვლევის შედეგები. პაციენტი მე-3 სართულიდან გადმოვარდა. მოთავსებულია იაშვილის საავადმყოფოს რეანიმაციაში", - განუცხადეს "ექსპრესნიუსს" კლინიკაში.

შინაგან საქმეთა სამინისტროს ინფორმაციით, მომხდართან დაკავშირებით გამოძიება სსკ-ის 115-ე მუხლით მიმდინარეობს, რაც თვითმკვლელობამდე მიყვანას გულისხმობს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან