ნარმანია: საკონსტიტუციო უმრავლესობაში ცუდს ვერაფერს ვხედავ

2016-10-15 17:15:55, 1013 ნახვა

კომენტარი

საკონსტიტუციო უმრავლესობაში ცუდს ვერაფერს ვხედავ, - ამის შესახებ თბილისის მერმა, დავით ნარმანიამ „ქართული ოცნების” მიერ პარლამენტში საკონსტიტუციო უმრავლესობის მოპოვების საკითხთან დაკავშირებით განაცხადა.

როგორც ნარმანიამ აღნიშნა, ამომრჩეველმა გადაწყვიტა, რომ მმართველ გუნდს საკონსტიტუციო უმრავლესობა ჰქონდეს.

"დამკვეთი არის მისი უზენაესობა ამომრჩეველი და ამომრჩეველმა გადაწყვიტა, რომ „ქართულ ოცნებას“ საკონსტიტუციო უმრავლესობა ჰქონდეს, რაშიც ცუდს ვერაფერს ვხედავ“, - განაცხადა ნარმანიამ.

მერის თქმით, საკონსტიტუციო უმრავლესობით ძალიან ბევრი კარგი რამის გაკეთება შეიძლება, რაც აქამდე შეუძლებელი იყო.

„ასე რომ, მე მხოლოდ პოზიტივს ვხედავ“, - განაცხადა თბილისის მერმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან