იუსტიციის მინისტრმა მალაიზიის დელეგაცია მიიღო, რომელსაც კუალა ლუმპურის მერი აჰმად ფეზალ ტალიბი ხელმძღვანელობს. შეხვედრას ესწრებოდა, აგრეთვე, იუსტიციის სამინისტროს მმართველობის სფეროში მოქმედი სსიპ „მონაცემთა გაცვლის სააგენტოს“ ხელმძღვანელი ირაკლი გვენეტაძე.

თეა წულუკიანმა სტუმრებს  საქართველოში ელექტრონული მმართველობის, მონაცემთა გაცვლის ინფრასტრუქტურის, ელექტრონული სერვისებისა და ღია მმართველობის მიმართულებით განხორციელებული პროექტები გააცნო; ისაუბრა ბიზნესის კეთებისა და ელექტრონული მმართველობის ინდექსების გაუმჯობესებაზე, საქართველოში ბიზნესის დაწყებისა და ქონების რეგისტრაციის გამარტივებულ სერვისებზე,  ღია მმართველობის ინიციატივებზე. იუსტიციის მინისტრმა ხაზი გაუსვა საქართველოს დაწინაურებას ელექტრონული მმართველობის განვითარების დონის განმსაზღვრელ რეიტინგში, რომელსაც გაერთიანებული ერების ორგანიზაცია ყოველ 2 წელიწადში აქვეყნებს და რომლის მონაცემების თანახმად, საქართველომ 72-ედან 56-ე ადგილზე გადაინაცვლა. 

მალაიზიური დელეგაციის ვიზიტის მიზანი ქართული რეფორმებისა და მიღწევების გაცნობაა. მისი წევრები საქართველოში 16 მარტს ჩამოვიდნენ და უკვე გამართეს შეხვედრა მონაცემთა გაცვლის სააგენტოში. 

დღესვე მალაიზიელი სტუმრები თბილისის მერ დავით ნარმანიასაც შეხვდებიან. 

დელეგაცია საქართველოს 20 მარტს დატოვებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საერთაშორისო გამჭვირვალობა - - ვახო სანაია ისჯება ბიძინა ივანიშვილისა და „ქართული ოცნების“ რეჟიმის მხილების, პრინციპული პოზიციისა და საქართველოს ევროპული მომავლისთვის ბრძოლის გამო

ზურაბიშვილი ვახო სანაიაზე - საქართველო მოსკოვის სცენარს სიტყვასიტყვით იმეორებს

საქართველოს ექსპორტი $6.1 მილიარდამდე გაიზარდა - პირველ ადგილზეა მსუბუქი ავტომობილები

ჟურნალისტ ვახო სანაიას სოციალურ ქსელში დაწერილი პოსტის გამო 30-დღიანი პატიმრობა შეუფარდეს