გაერო-ს მომავალი გენერალური მდივანის ანტონიო გუტიერეშის განცხადებით, მისთვის ახალ თანამდებობაზე პრიორიტეტი სირიაში კონფლიქტის დასრულება იქნება. ამის შესახებ გუტიერეშმა BBC-სთან ინტერვიუში განაცხადა.

გუტიერეში მიიჩნევს, რომ საერთაშორისო საზოგადოებისთვის მთავარი პრიორიტეტი ამ კონფლიქტის დასრულებაა.

მისივე თქმით, დღეს მსოფლიო რთულ პერიოდში იმყოფება, ეს ეხება ასევე იმ ქვენებს, რომლებიც კონფლიქტისა და ტერორისტული აქტივობების ზონებს დაშორებული არიან.

მომავალი გენერალური მდივანის განმარტებით, მსოფლიო ლიდერები დაინტერესებულები არიან სირიაში სამხედრო მოქმედებების დასრულებით.

ამასთან, გუტიერეშმა აღნიშნა, რომ სირიელები არა მხოლოდ თავიანთი პრობლემების, არამედ ასევე მსოფლიო წინააღმდეგობებისა და დავების მსხვერპლნი არიან

შეგახსენებთ, რომ პორტუგალიის ყოფილი პრემიერ-მინისტრი ანტონიო გუტიერეში გაერო-ს გენერალური მდივნის თანამდებობას 2017 წლის 1 იანვრიდან დაიკავებს. ის ამ პოსტზე პან გი მუნს შეცვლის.

ცნობისთვის, 67 წლის გუტიერეში 1995-2002 წლებში პორტუგალიის პრემიერი იყო. 2005 წლიდან 2015 წლამდე კი ლტოლვილთა საკითხებში გაერო-ს უმაღლესი კომისარის თანამდებობას იკავებდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ევროპის საბჭოს გენერალური მდივანი - ევროპა ოპოზიციის აკრძალვის შესახებ მოსმენების წინ, დააკვირდება ყველა მოქალაქის ფუნდამენტური უფლებებისა და თავისუფლებების დაცვას

დიდი ბრიტანეთი საუდის არაბეთში ჰუსიტების თავდასხმებისგან დასაცავად Typhoon-ის გამანადგურებლებს გაგზავნის

პენიტენციური ამტკიცებს რომ დავით ფეიქრიშვილმა მინები ჩაამტვრია და თვითდაზიანება სცადა, პატიმრებს დეზორგანიზაციისკენ მოუწოდებდა

ივანიშვილის წარმომადგენელი კობახიძე ოპოზიციურ პარტიებს ჰიტლერს ადარებს და მათი აკრძალვის აუცილებლობაზე საუბრობს