„გისმენთ და გვესმის" არის 112 სერვისების, სახელმწიფო სერვისების განვითარების სააგენტოს ინოვაციური სერვისების ლაბორატორიის და გაეროს განვითარების პროგრამის ახალი პროექტი, რომელიც მიზნად ისახავს ყრუ და სმენადაქვეითებული პირებისთვის გადაუდებელი სერვისების ხელმისაწვდომობის უზრუნველყოფას.
სერვისების განვითარების სააგენტოს ინფორმაციით, საქართველოს პრიორიტეტად აღიარებულია სახელმწიფო სერვისების ხარისხისა და ხელმისაწვდომობის ამაღლება, რაც ასევე მოიცავს შეზღუდული შესაძლებლობების მქონე პირებისთვის ეტაპობრივად ყველა საჭირო სერვისზე წვდომის უზრუნველყოფას.
112-ზე წლიურად დაახლოებით 8 მილიონი ზარი შედის სხვადასხვა მიზეზით. მალე, ყრუ და სმენადაქვეითებულ პირებს შესაძლებლობა ექნებათ გამოიძახონ გადაუდებელი დახმარება მოკლე ტექსტური შეტყობინების, ან ვიდეო ზარის საშუალებით. ინოვაციური სერვისების ლაბორატორია 112 ახალი სერვისების დანერგვის პროცესში იდეის გაჩენისთანავე იყო ჩართული და მონაწილეობდა სერვისის დიზაინის შექმნაში. მას შემდეგ, რაც 112-ის ჯგუფმა შექმნა პროგრამული უზრუნველყოფის ნაწილი, ინოვაციური სერვისების ლაბორატორია კვლავ ჩაერთო პროცესში, ახლა უკვე პროტოტიპის (პროგრამის) ტესტირების და მომხმარებლების გამოცდილების შესწავლის მიზნით, რათა უზრუნველყოფილი იყოს მომხმარებლის საჭიროებაზე და მოლოდინზე მაქსიმალურად მორგებული სერვისის შექმნა.
ყრუ და სმენადაქვეითებულ პირებთან უშუალო თანამშრომლობითა და პარტნიორობით, სერვისების განვითარების სააგენტოს ინოვაციური სერვისების ლაბორატორიის, გაეროს განვითარების პროგრამისა და 112 თანამშრომლები შშმ პირების ჩართულობით კიდევ ერთხელ ამოწმებენ შექმნილი პროგრამის გამართულობას და ფუნქციონალს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

შიო III-მ უკრაინაში მოსკოვის საპატრიარქოს წარმომადგენელ მიტროპოლიტ ონოფრეს ინტრონიზაციის წლისთავი მიულოცა

ვიღაცა მაგრად თამაშობს - დადიანიძის დედა მისი შვილის სახელით გავრცელებულ FB-პოსტებზე

საქართველოში მიწისძვრა მოხდა

ივანიშვილის მარიონეტი მაჭავარიანი წერს, რომ ყველაფერი გააკეთეს მედიის, არასამთავრობოების გასაქრობად, მიიღეს შესაბამისი კანონები