საქართველოს ფინანსთა მინისტრ ნოდარ ხადურის  განცხადებით, ბოლო წლების განმავლობაში ბიუჯეტის  ხარჯებს გაცვლით  კურსზე ზემოქმედება არ გამოუწვევია.

ხადური ოპონენტებს მოუწოდებს, საკუთარი პოლიტიკური დივიდენდების მოსაპოვებლად ისეთ განცხადებებს  ნუ გააკეთებენ, რომლებიც მათ ავტორიტეტს ეჭვქვეშ დააყენებს.

„თუ გადავხედავთ  საერთაშორისო საფინანსო ინსტიტუტების, მათ შორის სავალუტო ფონდის დასკვნებს და პროგნოზებს,  და ეს პროგნოზები რეალისტურია და არავის არ დაუყენებია ისინი ეჭვქვეშ, მომავალი წელი გაცილებით უკეთესი იქნება და წელს უფრო მეტ ეკონომიკურ ზრდას ველოდებით, ვიდრე თავიდან იყო დაგეგმილი. ეროვნული ბანკიც და ყველა ვთანხმდებით, რომ ბოლო წლების განმავლობაში ბიუჯეტის  ხარჯებს არ გამოუწვევია  და არც შეეძლო გამოეწვია გაცვლით კურსზე ზემოქმედება. ამიტომ მოვუწოდებ მათ, ოდნავი ობიექტურობა შეინარჩუნონ და საკუთარი პოლიტიკური დივიდენდების მოსაპოვებლად ისეთ განცხადებებს ნუ გააკეთებენ, რომლებიც ეჭვქვეშ დააყენებს მათ ავტორიტეტს“,-განაცხადა ხადურმა.

მანვე დასძინა, რომ კონკრეტული პროგნოზების გაკეთება არ შეიძლება.

თუმცა, ფინანსთა მინისტრის თქმით, საშუალოვადიან პერსპექტივაში გაცვლითი კურსის დასტაბილურებასა და გამყარებას ელოდებიან.

„ესაა მოკლევადიანი რყევები, რაზეც ეროვნულმა ბანკმა განცხადება გააკეთა“, - განმარტა ხადურმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რეგიონებში ცხოველთა 3 ახალი მუნიციპალური თავშესაფარი აშენდება

სპეციალური შეთავაზება SOLO მომხმარებლებისთვის - დაესწარით სპექტაკლ “შერეკილები”-ს პრემიერას რეზო გაბრიაძის თეატრში

ზურაბიშვილი - მოსამართლე თეა ლეონიძემ განაჩენი პირველ რიგში გამოიტანა თავის თავს გამოუტანა, მერე კი რეჟიმს

ხაბეიშვილი - ამ ქვეყანას ეშევლება, მთავარია, ისე არ მოგვივიდეს, რომ სანამ აზრზე მოვლენ, აზრზე მოსვლას აზრი აღარ ჰქონდეს