სასამართლომ „ცენტრ პოინტის“ საქმეზე ბრალდებულები პატიმრობაში დატოვა

2016-10-11 19:27:38, 1767 ნახვა

სამართალი

მოსამართლემ „ცენტრ პოინტის“ საქმეზე დაცვის მხარის შუამდგომლობა არც ერთი დაკავებულის შემთხვევაში არ დააკმაყოფილა და გუკა რჩეულიშვილო, მაია რჩეულიშვილი და ირაკლი მინდელი პატიმრობაში დატოვა.

დაცვის მხარე, მაია რჩეულიშვილის შემთხვევაში, პატიმრობის სანაცვლოდ გირაოს სახით 150 000 ლარს სთავაზობდა სასამართლოს, გუკა რჩეულიშვილის შემთხვევაში კი 5 ან 10 ათასს ლარს.

როგორც მოსამართლემ განმარტა, ჯერ კიდევ არსებობს იმის საფრთხეები, რომ ბრალდებულებმა თავი აარიდონ მართლმსაჯულებას, ზემოქმედება მოახდინონ მოწმეებზე და მიიმალონ.

დაცვის მხარის განცხადებით, მათი გათავისუფლება აუცილებელი იყო, რადგან დასრულდეს დაწყებული მშენებლობა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან