"ნაციონალური მოძრაობის" ერთ-ერთი ლიდერის გიგა ბოკერიას განცხადებით, პარტიის პოლიტიკურ საბჭოზე "ნაციონალური მოძრაობის" საპარლამენტო ცხოვრებაში და არჩევნების მეორე ტურში მონაწილეობის საკითხს განიხილავენ.

როგორც ბოკერიამ აღნიშნა, პარტიის შიგნით ამ საკითხებთან დაკავშირებით აზრთა სხვადასხვაობა არსებობს.

"საზოგადოებისთვის ცნობილია, რომ ჩვენი პარტიის შიგნით პოზიციები არის გაყოფილი. მსურს ამ ძალიან მნიშვნელოვანი კენჭისყრის წინ სხვებს შევუერთდე და საჯაროდ დავაფიქსირო ჩემი პოზიცია. კარგად მესმის ჩვენი ამომრჩევლების, აქტივისტების და პოლიტიკოსების ერთი ნაწილის აღშფოთება, იმ უმსაგვსობის გამო, რაც ჩვენ ვიხილეთ წინასაარჩევნო კამპანიისას და როგორც ჩატარდა არჩევნების დღე.  სწორედ ამ უმძიმესი ვითარებიდან გამომდინარე, მიუხედავად ამ არათავისუფალი არჩევნებისა, რომელიც არ გამოხატავს ქართველი ხალხის ნებას, ჩვენი პოლიტიკური ძალა, როგორც ერთადერთი პროდასავლური, ქმედითი ოპოზიციური ძალა ჩვენს ქვეყანაში, აუცილებლად უნდა შევიდეს პარლამენტში და აუცილებლად უნდა მიიღოს მონაწილეობა არჩევნების მეორე ტურში. ეს არის აუცილებელი ჩვენი ქვეყნის საშინაო და საგარეო გამოწვევებიდან გამომდინარე. ეს არის აუცილებელი იმ 500 ათასი ამომრჩევლის პატივისცემისთვის, ვინც ჩვენ ხმა მოგვცა, ასევე იმ ხალხისთვის ვინც დააშინეს და ვერ მოგვცა ხმა და დიახ, იმ ადამიანების პატივისცემიდან გამომდინარე ვინც ჩვენ არ მოგვცა ხმა", - განაცხადა ბოკერია,

მანვე დასძინა, რომ  ყველაფერი უნდა სცადონ, რათა ივანიშვილმა საკონსტიტუციო უმრავლესობის მოპოვება ვერ შეძლოს.

"დიდი იმედი მაქვს, რომ ჩვენი პოლიტიკური ძალა დღეს საღამოს სწორ გადაწყვეტილებას მიიღებს. ეს იქნება რთული ბრძოლა, მაგრამ ჩვენ მაინც გავიმარჯვებთ", - განაცხადა გიგა ბოკერიამ.

ცნობისთვის, "ნაციონალური მოძრაობის" ცენტრალურ ოფისში დღეს 19:30 საათზე პოლიტსაბჭოს სხდომა გაიმართება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მეუფე საბა - მეუფე შიოს 50% +1 ხმა უკვე აქვს, თუმცა, ეს იმას არ ნიშნავს, რომ გაფართოებული კრების ჩატარებას მნიშვნელობა არ აქვს

მიტროპოლიტმა ისაიამ სინოდის სხდომაზე პატრიარქობის კანდიდატად საკუთარი თავის დასახელების სურვილი გამოთქვა, თუმცა სინოდმა მხარი არ დაუჭირა

მარნეულში 10 წლის ბავშვს მანქანა დაეჯახა, იგი გარდაიცვალა, კლინიკასთან დაძაბულეობა იყო

ლევან სუთიძე - მეუფე შიომ მხარდაჭერა უკვე კამპანიის დროს მოიპოვა