2016-10-10 16:37:15, 695 ნახვა
პოლიტიკა
არჩილ ხაბაძე და სვეტლანა კუდბა საქმიანობას პარლამენტში გააგრძელებენ
აჭარის მთავრობის ყოფილი თავმჯდომარე და უმაღლესი საბჭოს წევრი საქმიანობას საქართველოს პარლამენტში გააგრძელებენ. არჩილ ხაბაძე და სვეტლანა კუდბა უმაღლეს საკანონმდებლო ორგანოში “ქართული ოცნების” პროპორციული სიით მოხვდნენ.
არჩილ ხაბაძე „ქართული ოცნება-დემოკრატიული საქართველოს“ პარტიულ სიაში 21-ე ნომრადაა შეყვანილი, სვეტლანა კუდბა კი ამავე სიაში 38-ე ნომრად.
შეგახსენებთ, რომ სვეტლანა კუდბა ბოლო პერიოდში რეგიონის უმაღლესი საბჭოს ჯანმრთელობის დაცვისა და სოციალურ საკითხთა კომისიის თავმჯდომარის მოადგილე იყო.
არჩილ ხაბაძე აჭარის მთავრობის თავმჯდომარედ 2012 წლის არჩევნების შემდეგ დაინიშნა, 2016 წლის არჩევნებამდე რამდენიმე თვით ადრე კი გადადგომის თაობაზე განცხადება გააკეთა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
