2016-10-10 12:44:37, 722 ნახვა
პოლიტიკა
უსუფაშვილი: სერიოზული საუბრები ჩემს მომავალთან დაკავშირებით არავისთან მქონია
პარლამენტის თავმჯდომარის დავით უსუფაშვილის განცხადებით, მის მომავალ საქმიანობასთან დაკავშირებით ჯერჯერობით სერიოზული საუბარი არავისთან ჰქონია.
ამის შესახებ უსუფაშვილმა ჟურნალისტის კითხვის საპასუხოდ განაცხადა, რომელიც უშიშროების საბჭოს მდივნად მის შესაძლო დანიშვნასთან დაკავშირებით გავრცელებულ ინფორმაციას ეხებოდა.
„აღარ ვიცი უნდა მიხაროდეს თუ უნდა მწყინდეს, აღარ დარჩა სახელმწიფოში თანამდებობა, რომელზეც არაა საუბარი, რომ მე იქ წავალ. არანაირი სერიოზული საუბარი ჩემს მომავალთან დაკავშირებით არავისთან მქონია. ამის დროც ალბათ მოვა. შემდეგ ვისაუბროთ დანარჩენ ამბებზე“,-განაცხადა უსუფაშვილმა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
