„ეს ინციდენტები, რომლებსაც ადგილი ჰქონდა არავითარ გავლენას არ მოახდენს მთლიანად საარჩევნო პროცესის მიმდინარეობაზე და მის შეფასებაზე, - ამის შესახებ პარტია „ქართული ოცნების“ წევრმა თამარ ჩუგოშვილმა პარტიის ოფისში გამართულ ბოლო ბრიფინგზე განაცხადა.

როგორც ჩუგოშვილმა აღნიშნა, კენჭისყრის დღე მშვიდ და სამართლიან გარემოში მიმდინარეობს.

„დღის განმავლობაში საარჩევნო გარემო იყო მშვიდი და არ დაფიქსირებულა, რაიმე განსაკუთრებული დარღვევები. სწორედ ასე მიმდინარეობს პროცესი მთელი ქვეყნის მასშტაბით. ცალკეული ოპოზიციური პარტიების წარმომადგენლების, სრულიად დესტრუქციული და ზოგიერთ შემთხვევაში ძალადობრივი ქცევების მიზანია, რომ საარჩევნო პროცესი არ შეფასხდეს, როგორც მშვიდი. ყოველ ასეთ ინციდენტს მოყვება შესაბამისი სამართლებრივი რეაგირება. რამდენადაც ჩვენთვის არის ცნობილი, არის მცდელობა, რომ მსგავსი არეულობა მოხდეს სხვა უბნებზეც, თუმცა სამართალდამცველი ორგანოები სრულად აკონტროლებენ სიტუაციას. მოვუწოდებ საერთაშორისო და ასევე ადგილობრივ სადამკვირვებლო ორგანიზაციებს, რომ განსაკუთრებული ყურადღება გაამახვილონ იმ უბნებზე სადაც ასეთი ტიპის ინციდენტები დაფიქსირდა. ასევე განსაკუთრებული ყურადღება გაამახვილონ და დაესწრონ ამ უბნებზე ხმების დათვლის და შედეგების შეჯამების პროცედურებს. აქვე მოვუწოდებთ, ჩვენ მხარდამჭერებს, ნუ შეეცდებიან რაიმე ფიზიკურ კონტაქტში შევიდნენ სხვა ოპოზიციური პარტიების მხარდამჭერებთან“, - განაცხადა ჩუგოშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სამართალდამცავი ორგანოების კოორდინაციის საკითხებში სახელმწიფო მინისტრის თანამდებობის შემოღებას I მოსმენით მხარი დაუჭირეს

ოცნების პარლამენტმა სუს-ის უფროსად გელა გელაძე დაამტკიცა

იუკნევიჩიენე: ანდჟეი პოჩობუტის გათავისუფლება შესანიშნავი ამბავია, მაგრამ მზია ამაღლობელი ოცნების პატიმრობაში რჩება

„წინ და წინ - ფინანსობანა" – 2026 წლის პირველი წარმოდგენა ხულოში გაიმართა