ზაზა გაბუნიამ თემქის განვითარების გეგმის პრეზენტაცია გამართა

2016-10-04 13:31:26, 625 ნახვა

საზოგადოება

"ქართული ოცნება-დემოკრატიული საქართველოს" მაჟორიტარობის კანდიდატმა ზაზა გაბუნიამ "თემქის განვითარების გეგმა 2016-2020წ.წ." პრეზენტაცია გამართა.

მაჟორიტარობის კანდიდატი მოსახლეობას დაგეგმილ არაერთ ინფრასტრუქტურულ პროექტზე, დასაქმების გეგმაზე და თემქისა და სანზონის პოტენციალის ფართოდ განვითარების შესახებ ესაუბრა. კანდიდატმა ამომრჩეველს ასევე ის მნიშვნელოვანი საკითხები გააცნო, რომლებზე მუშაობასაც მისი არჩევის შემთხვევაში ზაზა გაბუნია პარლამენტში გეგმავს:

1. დასრულდა თბილისის ზღვის გენერალური გეგმა. იწყება 5317 ჰა ფართობის ტერიტორიის საკურორტო ზონად განვითარების პროცესი, რომლის ფარგლებში აშენდება სხვადასხვა ტიპის და კლასის სასტუმროები, გოლფის მოედნები, სპა და გამაჯანსაღებელი ცენტრები, ამფითეატრი, ფეინთბოლის მოედანი, ვენახი, საფარი პარკი, მუნიციპალური ღია სანაპირო, თავისუფალი ვარდნის ატრაქციონი, ხელოვნური სათხილამური ტრასა, საბაგირო და სხვა, რაც ხელს შეუწყობს ბიზნესის განვითარებას, სამუშაო ადგილების შექმნას, გარემოს გაუმჯობესებას და ტურიზმის განვითარებას.

2. მუშავდება თემქის ხევის განვითარების პროექტი, რომლის მიხედვითაც ხევის 11 ჰექტარზე მოეწყობა თანამედროვე კეთილმოწყობილი რეკრეაციული სივრცე, სახალხო პარკი.

3. დაიწყება თემქის ცენტრალური სანიაღვრე ქსელის მოწყობა

4. დაიწყება მეწყერსაშიში ზონების გეოლოგიური კვლევა

5. წელს იწყება სპორტული კომპლექსის მსენებლობა აუზებით და სპორტული დარბაზებით.

6. თემქაზე ფუნქციონირებას დაიწყებს "მაკდონალდსი" და სხვა ბრენდები

7. საგზაო სამუშაოები განხორციელდება სადმელის, ანტონ მეორის, ავშნის, მონადირის ქუჩებსა და ყველა შიდაკვარტლურ გზასა და კორპუსების ეზოში

8. დაიწყება კორპუსების გამაგრება და ფასადების მოწესრიგება.

9. აშენდება საერთაშორისო სტანდარტების საფეხბურთო სტადიონი და ჩამოყალიბდება საფეხბურთო გუნდი

10. გაიზრდება თემქიდან დედაქალაქის დაფარვის ზონა სატრანსპორტო თვალსაზრისით

11. აქტიურად გაგრძელდება საბავშვო ბაღების მშენებლობა.

12. გაკეთდება ველოტრასა თბილისის ზღვაზე

13. დაიწყება ავარიული სკოლების აღდგენა-რეაბილიტაცია

14. იგეგმება ყველა სპორტული სტადიონის რეაბილიტაცია