„ელექტრონული კომერციის შესახებ“ კანონის პროექტთან დაკავშირებით ეკონომიკისა და მდგრადი განვითარების სამინისტროში, სამინისტროსა და USAID-ის პროექტ „მმართველობა განვითარებისთვის“ (G4G) მიერ ერთობლივად ორგანიზებული შეხვედრა გაიმართა კერძო სექტორის წარმომადგენლებთან, შეხვედრაზე მოწვეულები იყვნენ შუალედური სერვის-პროვაიდერი სატელეკომუნიკაციო კომპანიებისა და 50-მდე ონლაინმაღაზიის წარმომადგენელი. 

შეხვედრა გახსნეს საქართველოს ეკონომიკისა და მდგრადი განვითარების მინისტრის მოადგილემ დავით ხუციშვილმა და USAID-ის პროექტ G4G-ის ხელმძღვანელმა ნატალია ბერუაშვილმა.  

დავით ხუციშვილმა თავის გამოსვლაში ისაუბრა კანონის პროექტის შემუშავების მიზნებზე და აღნიშნა, რომ კანონპროექტი მაქსიმალურად იცავს მომხმარებელთა უფლებებს ელექტრონული კომერციის პროცესში და ამ პროცესში შუალედურ სერვის-პროვაიდერებს აცილებს ზედმეტ ვალდებულებებს. მან მადლობა გადაუხადა USAID-ს პროექტ G4G-ის გაწეული დახმარებისთვის. 

პროექტის დეტალები შეხვედრის მონაწილეებს  მუხლობრივად გააცნო საქართველოს ეკონომიკისა და მდგრადი განვითარების სამინისტროს კავშირგაბმულობისა, საინფორმაციო და თანამედროვე ტექნოლოგიების დეპარტამენტის უფროსმა ეკა ყუბუსიძემ. ძირითად საკითხებს შორის ყუბუსიძემ ისაუბრა კანონპროექტის მიზნებზე,  ელექტრონული კომერციის პროცესში მიმწოდებლის, მომხმარებლის, სერვისის მიმღებისა და შუალედური სერვის- პროვაიდერის უფლებებსა და ვალდებულებებზე. 

შეხვედრის ფარგლებში გაიმართა დისკუსია და გაგრძელდა კითხვა-პასუხის რეჟიმში, სადაც კერძო სექტორის წარმომადგენლებმა დადებითად შეაფასეს კანონპროექტის მნიშვნელობა. როგორც შეხვედრაზე ითქვა, აღნიშნული მიმართულებით კერძო სექტორთან თანამშრომლობა კვლავაც გაგრძელდება.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გერმანიამ უკრაინული რაკეტების შესყიდვის განხილვა დაიწყო

უკრაინის შეიარაღებული ძალების გენერალურმა შტაბმა იეისკში ნავთობტერმინალზე დარტყმის შესახებ განაცხადა

უკრაინამ სამარის რეგიონში ოზონის საწყობები და ნავთობგადამამუშავებელ ქარხნები დაბომბა

ჯონსი ოცნებისთვის მიუღებელია, რადგან არ არის აფილირებული ივანიშვილის სტრატეგიულ კურსთან - პროფესორები ჰარვარდში ქართველოლოგიის დახურვაზე