18 და 20 ოქტომბერს, თბილისში, იზმირის სახელმწიფო სიმფონიური ორკესტრი ორ კონცერტს გამართავს. ღონისძიება საქართველოს დამოუკიდებლობისა და თურქეთ-საქართველოს ურთიერთობების აღდგენის 25-ე წლისთავს ეძღვნება.

თბილისის მერიის ინფორმაციით, კონცერტები თბილისის სახელმწიფო კონსერვატორიის დიდ საკონცერტო დარბაზში და ფილარმონიის დიდ საკონცერტო დარბაზში ჩატარდება. სიმფონიურ ორკესტრს ვახტანგ მაჭავარიანი უდირიჟორებს, სოლისტი კი პიანისტი ალექსანდრე თორაძე იქნება.

მათივე ცნობით, თბილისში იზმირის სახელმწიფო სიმფონიური ორკესტრის ვიზიტთან დაკავშირებით  თურქეთის რესპუბლიკის საელჩოში პრესკონფერენცია გაიმართა, რომელსაც  თბილისის მერი დავით ნარმანია, თურქეთის რესპუბლიკის ელჩი საქართველოში ზექი ლევენთ გუმრუქჩუ და დირიჟორი ვახტანგ მაჭავარიანი ესწრებოდნენ.

„დარწმუნებული ვარ, მუსიკის მოყვარულებს, ძალიან საინტერესო საღამოებს ვაჩუქებთ. ასეთი მასშტაბის უცხოური სიმფონიური ორკესტრს, დამოუკიდებელი საქართველოს არსებობის ისტორიაში, ჩვენს ქვეყანაში არ დაუკრავს. სწორედ ამიტომ, პირველსავე შემოთავაზებაზე გადავწყვიტეთ, მხარი დაგვეჭირა ამ პროექტისთვის. ჩვენი წინასაარჩევნო დაპირება იყო, რომ  თბილისს რეგიონში კულტურულ ცენტრად ვაქცევდით. 18 და 20 ოქტომბრის კონცერტები, ერთ-ერთი იმ პროექტთაგანია, რომლებიც ამ მიმართულებით ხორციელდება“,- განაცხადა დავით ნარმანიამ.

კონცერტები თბილისის მერიისა და საქართველოში თურქეთის რესპუბლიკის საელჩოს თანამშრომლობის შედეგად ხორციელდება.

იზმირის სახელმწიფო სიმფონიური ორკესტრი პირველი უცხოური სიმფონიური ორკესტრია, რომელიც, დამოუკიდებელი საქართველოს ისტორიის განმავლობაში, 1991 წლის შემდეგ,  თბილისში კონცერტებს გამართავს.  

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თურქ მომღერალ ილიას იალჩინტაშს ნარკოტიკებთან დაკავშირებულ საქმეში მინიმუმ 10 წლით თავისუფლების აღკვეთა ემუქრება

ზელენსკიმ აშშ-სა და რუსეთს შორის შესაძლო დაახლოებას „ისტორიული შეცდომა“ უწოდა

საფრანგეთში არეულობის დროს დაახლოებით 1800 ადამიანი დააკავეს, ხოლო სასწრაფო დახმარების 500-ზე მეტი თანამშრომელი დაშავდა

ალბანეთში პრემიერ-მინისტრის გადადგომის მოთხოვნით საპროტესტო აქციები გრძელდება, პოლიცია კი რეზინის ტყვიებს იყენებს