საქართველოს ფინანსთა მინისტრმა, ნოდარ ხადურმა გაცნობითი ხასიათის შეხვედრა გამართა საქართველოში ბულგარეთის რესპუბლიკის საგანგებო და სრულუფლებიან ელჩთან, დესისლავა ივანოვასთან.

როგორც "ექსპრესნიუსს" უწყებიდან აცნობეს, მინისტრმა ელჩს მიულოცა თანამდებობაზე დანიშვნა და წარმატება უსურვა მომავალ საქმიანობაში. ნოდარ ხადურმა სტუმარს მადლობა გადაუხადა საქართველოს სუვერენიტეტისა და ტერიტორიული მთლიანობის, ასევე, ევროპული და ევროატლანტიკური ინტეგრაციის პროცესებისადმი ბულგარეთის ურყევი მხარდაჭერისათვის და იმედი გამოთქვა, რომ მომავალი თანამშრომლობა ორ ქვეყანას შორის წარმატებულად გაგრძელდება. შეხვედრაზე საუბარი შეეხო ორმხრივი და მრავალმხრივი თანამშრომლობის ძირითად საკითხებს, მათ შორის, პარტნიორობას სავაჭრო-ეკონომიკური მიმართულებით. განიხილეს საქართველოსა და ბულგარეთს შორის ტრანსპორტის, ეკონომიკის, ენერგეტიკისა და ინფრასტრუქტურული პროექტების ფარგლებში პარტნიორობის საკითხები, ასევე, ყურადღება გამახვილდა ორი ქვეყნის სატრანზიტო პოტენციალზე აღმოსავლეთ-დასავლეთის დერეფნის განვითარების პროცესში.

ფინანსთა მინისტრმა დიპლომატს გააცნო საქართველოს მთავრობის ოთხპუნქტიანი გეგმით გათვალისწინებული პრიორიტეტები, რომელთა განხორციელებასაც მთავრობა უახლოეს ოთხ წელიწადში გეგმავს.

მხარეებმა იმედი გამოთქვეს, რომ მომავალში უფრო აქტიურად გაგრძელდება ურთიერთსასარგებლო თანამშრომლობა, რაც ხელს შეუწყობს ორი ქვეყნის ბიზნეს და საინვესტიციო შესაძლებლობების გაზრდას.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ეუთო-ს საპარლამენტო ასამბლეის ვიცე-პრეზიდენტი - შეწყვიტეთ ოპოზიციური პარტიების აკრძალვის მცდელობა და დაუბრუნდით დემოკრატიის გზას

პროკურატურა - თამაზ ელიზბარაშვილმა საპროცესო შეთანხმება მოითხოვა მისი განმარტებით, მისთვის ფიზიკური შეურაცხყოფა არ მიუყენებიათ

პენტაგონი ახლო აღმოსავლეთში განლაგებული ობიექტებიდან ჯარისკაცების ნაწილს გაიყვანს

ევროკავშირის ქვეყნები უკრაინის კონფლიქტის მოგვარებაზე რუსეთთან მომლაპარაკებლის კანდიდატურას განიხილავენ