გვინდა მოვუწოდოთ ივანიშვილს, არჩევნებში მარცხის შემდეგ მათ არ დატოვონ საქართველო. მომავალი მარცხის გამო ივანიშვილის გარემოცვის მხრიდან პანიკას და შიშს აქვს ადგილი, - ამის შესახებ „ნაციონალური მოძრაობის“ ერთ-ერთმა ლიდერმა გიგა ბოკერიამ დღეს გამართულ ბრიფინგზე განაცხადა.

როგორც ბოკერიამ აღნიშნა, ხელისუფლება ოპოზოციაში უნდა გადავიდეს, რადგან ეს ქვეყნის ნორმალური, ევროპული განვითარებისთვისაა საჭირო.

„ნორმალურ, ევროპულ ქვეყნებში ხელისუფლებები მარცხის შემდეგ დევნილობაში კი არ მიდიან, ან მითუმეტეს ციხეში, უბრალოდ გადადიან ოპოზიციაში. ჩვენი პოლიტიკური გუნდის ხელმძღვანელობაში არის სრული კონსენსუსი, რომ მიუხედავად არაერთი დანაშაულისა, მათ მიმართ, არჩევნებში გარდაუვალი მარცხის შემდეგ, არ უნდა განხორციელდეს სამართლებრივი დევნა. 2012 წელს ჩვენს ისტორიაში პირველად მოხდა არჩევნების გზით ხელისუფლების შეცვლა - ეს ჩვენთვის ძალიან უსიამოვნო იყო, ჩვენ დავმარცხდით, მაგრამ ეს იყო აუცილებელი ქვეყნის დემოკრატიული განვითარებისთვის”,- აღნიშნა ბოკერიამ.

ბოკერიას თქმით, 2016 წლის 8 ოქტომბერს საქართველოში მშვიდობიანი გზით მეორედ შეიცვლება ხელისუფლება.

„2016 წლის 8 ოქტომბერს ჩვენ მეორედ შევცვლით, მშვიდობიანად და არჩევნების გზით ხელისუფლებას და საქართველო ჩააბარებს მეორე ტესტსაც - ანუ ჩვენ გვეყოლება ყოფილი ხელისუფლება ოპოზიციაში და არა ციხეში და დევნილობაში. ძალიან ცუდი იქნება ქვეყნისთვის თუ ისინი ქვეყნიდან გაიქცევიან“,- განაცხადა ბოკერიამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

დიუშენის სინდრომის მქონე ბავშვების მშობლებმა საქართველოს პროკურატურას მიმართეს

„თეგეტა“ ბიზნესისთვის - კომპანიამ სადისტრიბუციო სექტორს ფლიტ მენეჯმენტის ახალი სტანდარტი წარუდგინა

ფაშინიანი - დღის წესრიგშია საქართველოსთან დელიმიტაციის დასრულების საკითხიც

ხელისუფლების მიერ არჩეული კურსი ქვეყანას აშორებს ევროკავშირის გზას - ევროკავშირის წარმომადგენლობა