კახიშვილი ავთენტურობის დადგენამდე, ფარული ჩანაწერის შინაარსის პოლიტიკური შეფასებისგან თავს იკავებს

2016-09-28 12:46:50, 644 ნახვა

პოლიტიკა

სასჯელაღსრულებისა და პრობაციის მინისტრი კახი კახიშვილი სავარაუდოდ, მიხეილ სააკაშვილსა და "ნაციონალური მოძრაობის" ლიდერებს შორის საუბრის შინაარსთან დაკავშირებით, კომენტარის გაკეთებისგან თავს იკავებს.

როგორც კახიშვილმა ჟურნალისტებს განუცხადა, გამოძიების მიერ დასადგენია ჩანაწერის ავთენტურობა, მანამდე კი, ჩანაწერს პოლიტიკურად ვერ შეაფასებს:

"ზოგადად, ასეთი ტიპის საქმეებზე პირველი რაც კეთდება, ინიშნება ექსპერტიზა მონტაჟის კვალთან დაკავშირებით, ასევე ავთენტურობასთან დაკავშირებით. რამდენადაც ვიცი, გამოძიებამ ექსპერტიზები დანიშნა, შესაბამისად, დაველოდოთ ექსპერტიზის პასუხს, ვინაიდან ექსპერტიზის პასუხი არის ერთ-ერთ საფუძველი ასეთი ტიპის საქმეებში გამოძიების მიმართულების მიცემის. საუბარში იკვეთება სისხლის სამართლის დანაუშაულის ნიშნები, მაგერამ აუცილებლია ექსპერტიზის პასუხებს დაველოდოთ",-აღნიშნა კახი კახიშვილმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან