ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრი დავით ბაქრაძე ევროპალრამენტში გამართულ დისკუსიაძე სიტყვით გამოვიდა.

პოლიტიკური დიალოგი თემაზე „საქართველო: მიღწევები, რეფორმების კონსოლიდაცია, მომავალი გამოწვევები და მისწრაფებები“ ევროპარლამენტის წევრის, ანდრეას მამიკინსის ორგანიზებით გაიმართა.

როგორც ბაქრაძემ სიტყვით გამოსვლისას აღნიშნა, საქართველოში წინასაარჩევნო გარემო თავისუფალი და კონკურენტუნარიანი.

„ჩვენი ძალისხმევა მიმართულია იმისაკენ, რომ გამოვიყენოთ დაგეგმილი არჩევნები როგორც შესაძლებლობა და აღარ აღვიქვათ ის გამოწვევად. ავტორიტეტული საერთაშორისო ორგანიზაციების  შეფასებით შექმნილია თავისუფალი და კონკურენტუნარიანი წინასაარჩევნო გარემო, ასევე, სამართლიანი და დაბალანსებული მედია-გარემო. იმისათვის, რომ იყო ძლიერი ხელისუფალი, უნდა შეგეძლოს დაპირების შესრულება, იმისათვის რომ ვიყოთ ძლიერი სახელმწიფო-ჩვენ პატივი უნდა ვცეთ, პირველ რიგში, ერთმანეთს. პატივისცემა თავისუფლებასავითაა“, - განაცხადა დავით ბაქრაძემ.

სახელმწიფო მინისტრმა სიტყვით გამოსვლისას სხვადასხვა სფეროში განხორციელებულ  რეფორმებზე, მათ შორის, ადამიანის უფლებების დაცვის, ეკონომიკური განვითარებისა და საგარეო-პოლიტიკური პრიორიტეტების შესრულების მიმართულებით დაფიქსირებულ პროგრესზე ისაუბრა და ღონისძიების მონაწილეების შეკითხვებსაც უპასუხა.

პოლიტიკური დიალოგის პირველ სესიაზე საქართველოს ევროკავშირთან და ნატოსთან თანამშრომლობის საკითხებზე იმსჯელეს, დისკუსიის მეორე ნაწილი კი საქართველოში დემოკრატიული რეფორმების  განხორციელებისა და გამოწვევების საკითხების განხილვას დაეთმო. ღონისძიებაში, როგორც საქართველოდან, ასევე, ევროპარლამენტის მხარიდან, პოლიტიკური წრეების, არასამთავრობო ორგანიზაციებისა და სამეცნიერო-კვლევითი ინსტიტუტების წარმომადგენლები მონაწილეობდნენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ფინეთისა და ნორვეგიის ლიდერებმა პუტინს აცნობეს ზელენსკის მზადყოფნის შესახებ, პირად შეხვედრაზე განიხილოს ტერიტორიული საკითხი

პენტაგონმა ბალტიისპირეთის ქვეყნებს მოუწოდა, თავი შეიკავონ რუსეთის წინააღმდეგ მკაცრი განცხადებებისგან

ბათუმში მაღაზია გაქურდეს – დააკავეს ორი არასრულწლოვანი

ნორვეგიის ჰელსინკის კომიტეტი - ჩვენ ვგმობთ „ქართული ოცნების“ მცდელობას, საკონსტიტუციო სასამართლოს მეშვეობით აკრძალოს ხუთი ოპოზიციური პარტია