ეროვნულ სასწავლო ცენტრ „კრწანისში“ რადიოოპერატორისა და ინფორმაციული სისტემების სპეციალისტთა მომზადების კურსების დამთავრების ცერემონიალი გაიმართა.

თავდაცვის სამინისტროს ინფორმაციით, ტრენინგში მონაწილეობა საქართველოს შეიარაღებული ძალების რადიოოპერატორისა და ინფორმაციული სისტემების ქვედანაყოფების სერჟანტებმა, კაპრალებმა და სამოქალაქო პირებმა მიიღეს.

რადიოოპერატორის მომზადების კურსი 29 მსმენელმა გაიარა. მათ კურსის განმავლობაში კავშირგაბმულობის საშუალებების ეფექტურად გამოყენება, რადიოქსელების მოწყობა და ხმოვანი რადიოკავშირის წარმოება შეისწავლეს.

ინფორმაციული სისტემების სპეციალისტთა გადამზადების კურსი 14 მსმენელმა დაასრულა. წვრთნების შედეგად კურსდამთავრებულები მცირე და საშუალო სიდიდის საოფისე ქსელების მოწყობას, სხვადასხვა ოპერაციული სისტემების გამართვასა და მათ პროგრამულ უზრუნველყოფას შეძლებენ.

დღეიდან კურსებში მონაწილე სამხედრო მოსამსახურეების და სამოქალაქო პირები საკუთარ ქვედანაყოფებს დაუბრუნდებიან და გააგრძელებენ მსახურს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინის შეიარაღებული ძალების თავდასხმების გამო, პუტინმა რუსეთში საზოგადოებრივი გადაადგილება სრულად შეაჩერა

რუსეთში ვარდები და მიხაკები გაძვირდება სომხეთიდან ყვავილების იმპორტის აკრძალვის გამო

ხაბეიშვილი - ქოცების ხელში დავრჩებით მანამ, სანამ არ მოვიკრებთ გამბედაობას და არ გადავალთ შეტევაზე

ქართველ მწერალთა სახლს შეუერთდებიან ჭავჭავაძის, წერეთლის, ტაბიძის და სხვათა მუზეუმები