„სოსო მაკარიძისა და ბესარიონ გორჯოლაძის დაღუპვა ჩვენი ჯარისთვის აუნაზღაურებელი დანაკლისია“, - ამის შესახებ თავდაცვის მინისტრმა მინდია ჯანელიძემ ქაშუეთის ეკლესიის ეზოში ჟურნალისტებს განუცხადა, სადაც ქართველი კურსანტების საპატივსაცემოდ მიმდინარე პანაშვიდზე იმყოფებოდა. 

ჯანელიძე თავდაცვის სამინისტროს სახელით, გარდაცვლილების  ოჯახებს სამძიმარს უცხადებს. 

„ეს არის უზომო ტრაგედია ჩვენი ქვეყნისთვის. ეს არის უდიდესი დანაკარგი. ეს ბიჭები იყვნენ გამორჩეულები  კურსანტები. ჩვენ ყველაფერს ვაკეთებთ, რომ ჩვენს ახალგაზრდა ოფიცრებს, კურსანტებს, კადეტებს კარგი განათლება მივცეთ, რათა მათ ქართული ჯარის მშენებლობა  და ხარისხობრივად ქართული ჯარის უფრო მაღალ საფეხურზე აყვანა გააგრძელონ. აქედან გამომდინარე, ეს არის აუნაზღაურებელი დანაკლისი ჩვენი ჯარისთვის, ჩვენი სისტემისთვის. თავდაცვის სამინისტრო გლოვობს.  მთელი სამინისტროს სახელით ვუცხადებთ სამძიმარს გარდაცვლილების ოჯახებს. ჩვენ ყველაფერს გავაკეთებთ იმისათვის, რომ დაღუპულ კურსანტებს სათანადო პატივი მივაგოთ“,– აღნიშნა ჯანელიძემ.

ქაშუეთის წმინდა გიორგის სახელობის ეკლესიაში  ნიუ-ჯერსიში  დაღუპული ქართველი კურსანტების პატივსაცემად სამოქალაქო პანაშვიდი იმართება.

რიგითები - სოსო მაკარიძე და ბესარიონ გორჯოლაძე ნიუ-ჯერსის შტატში მომხდარი ავტოავარიის შედეგად დაიღუპნენ. ქართველი კურსანტების სამშობლოში გადმოსვენებისა და დაკრძალვის ხარჯებს საქართველოს თავდაცვის სამინისტრო ფარავს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საფრანგეთში არეულობის დროს დაახლოებით 1800 ადამიანი დააკავეს, ხოლო სასწრაფო დახმარების 500-ზე მეტი თანამშრომელი დაშავდა

ალბანეთში პრემიერ-მინისტრის გადადგომის მოთხოვნით საპროტესტო აქციები გრძელდება, პოლიცია კი რეზინის ტყვიებს იყენებს

პაპუაშვილი - რასაც საფრანგეთში ვუყურებთ, გვახსენებს, რომ სხვის ქვეყანაში ქარის დამთესი, საკუთარში ქარიშხალს მოიმკის

პოლონეთმა სამხედრო თვითმფრინავები დასავლეთ უკრაინაზე რუსეთის თავდასხმების ფონზე აფრინდა