პრეზიდენტი პარტიებს მშვიდობის მემორანდუმის ხელმოწერისკენ კიდევ ერთხელ მოუწოდებს

2016-09-20 14:30:25, 747 ნახვა

პოლიტიკა

პრეზიდენტს მნიშვნელოვნად მიაჩნია, რომ 2016 წლის საპარლამენტო არჩევნები სამართლიან, მშვიდ და დემოკრატიულ გარემოში ჩატარდეს.

ამის შესახებ ჟურნალისტებს პრეზიდენტის პრესსპიკერმა, ეკა მიშველაძემ განუცხადა.

მისივე თქმით, პრეზიდენტი კიდევ ერთხელ მიესალმება პრემიერ-მინისტრის ინიციატივას მშვიდობის მემორანდუმთან დაკავშირებით და პარტიებს კვლავ მემორანდუმის ხელმოწერისკენ მოუწოდებს.

„მართალია, მემორანდუმი არ არის არჩევნების მშიდ ვითარებაში ჩატარების სრული გარანტი, გარანტი პირველ რიგში კანონის უზენაესობა და მისი დაცვაა. კანონის დაცვაც კი, პრეზიდენტის აზრით არ სჭირდება დამატებითი პოლიტიკური კეთილი ნება. ამისთვის, უპირველესყოვლისა, შინაგან საქმეთა სამინისტრომ, მოქმედი კანონმდებლობის ფარგლებში უნდა შეასრულოს თავისი პირდაპირი მოვალეობა და პირადი პოლიტიკური სიმპათიის მიუხედავად დაიცვას ყველა უფლება, აწარმოოს მშვიდი საარჩევნო კამპანია“, - განაცხადა ეკა მიშველაძემ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან