„ანაკლიის პროექტში რეალური ინვესტიციები 2016 წელს დაიწყება, მანამდე ამის მოლოდინი არაეფექტურია“,-ამის შესახებ საქართველოს ეკონომიკისა და მდგრადი განვითარების მინისტრმა გიორგი კვირიკაშვილმა პარლამენტის  დარგობრივი ეკონომიკისა და ეკონომიკური პოლიტიკის და საფინანსო-საბიუჯეტო კომიტეტების სხდომაზე განაცხადა. 

მისივე თქმით, პროექტის დასაწყებად საჭიროა მნიშვნელოვანი ღონისძიებების განხორციელება, რასაც გარკვეული დრო და რესურსი ესაჭიროება.

„ანაკლიის პროექტში რეალური ინვესტიციები 2016 წელს დაიწყება, მანამდე ამის მოლოდინი არაეფექტურია, ვინაიდან ჩვენ წელს დაქირავებული გვყავს  ჰამბურგის პორტის საკონსულტაციო კომპანია, რომელიც ტექნიკურ დახმარებას გვიწევს და  ბრიტანული კომპანია „ფრეშ ფილდი“,  რომელიც გვიწევს იურიდიულ დახმარებას და მათი ვადები ჩვენი მოთხოვნით მაქსიმალურად იყო შევიწროვებული. თუმცა  სექტემბრის შუა რიცხვებამდე გამორიცხულია, რომ კომპანიის შერჩევა მოხდეს. კომპანიის შერჩევის შემდეგ უკვე  მოდის ძალიან ჩვეულებრივი პროცესი, დაიწყება პროექტის სტრუქტურირება და  2016 წლის ზაფხულამდე  უკვე რეალური სამუშაოები დაიწყება, ანუ ბულდოზერი მივა და დაიწყებს შესაბამის სამუშაოებს“,-განაცხადა გიორგი კვირიკაშვილი.  

მან ასევე აღნიშნა: „ანაკლიის პორტთან დაკავშირებით მანამდე, სანამ მეორე ეტაპზე იქნება წინადადებები შვიდივე კონსორციუმის მხრიდან წარმოდგენილი, ჩვენ ვატარებთ დამაზუსტებელ შეხვედრებს. ჩამოსული იყო ფრანგული კონსორციუმი და ამერიკული კომპანია. მათთან გავმართეთ შეხვედრები. ასეთივე შეხვედრები გვქონდა ჩინეთშიც ორ ადგილობრივ კონსორციუმთან, რომლებსაც ანაკლიის პორტის საკითხზე აქვთ დაინტერესება. ჩვენ მათ შეკითხვებსაც ვუპასუხეთ.“ 

რაც შეეხება მედიაში გავრცელებულ ინფორმაციას Power China-სა და ქართველი ბიზნესმენის, თემურ ქარჩავას კომპანია Anaklia Industrial Eco Park and Port Ltd-ს შორის გაფორმებული ხელშეკრულების შესახებ, საქართველოს ვიცე-პრემიერმა განაცხადა, რომ რამდენადაც იცის, ეს არის მათი შიდა კონსორციუმის ხელშეკრულება და აღნიშნულ დოკუმენტთან საქართველოს მთავრობას არაფერი აკავშირებს. „მხოლოდ ის შემიძლია გითხრათ, რომ ჩვენ ორი ჩინური კომპანიის - Power China-სა და China Harbor-ის წარმომადგენლებს შევხვდით. მათთან გვქონდა კონსტრუქციული საუბრები და მათ ყველა შეკითხვას ვუპასუხეთ“, - აღნიშნა გიორგი კვირიკაშვილმა. 

მისივე განმარტებით,  2015 წელს  ქვეყნის წინსვლისთვის მრავალი მნიშნელოვანი პროექტი იგეგმება,  როგორიცაა ევრობანკის წლიური შეხვედრა,  შავი ზღვის ვაჭრობისა და განვითარების ბანკის წლიური შეხვედრა,  ახალგაზრდული ოლიმპიადა, აბრეშუმის გზის წლიური ფორუმი, რომელიც შემოდგომაზე ჩატარდება და აშ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კინოპროდიუსერი და კინოთეატრების ქსელ კავეას ხელმძღვანელი ოთარ ბუბაშვილი გარდაიცვალა

მარინ ლეპენი დემოკრატიის საფრთხის შესახებ აფრთხილებს და მაკრონის მთავრობას აკრიტიკებს

ფასების ზრდის წინააღმდეგ საპროტესტო აქციები: მილანში 50 ადამიანი დააკავეს, შეტაკებები ტურინსა და ბოლონიაშიც

თურქ მომღერალ ილიას იალჩინტაშს ნარკოტიკებთან დაკავშირებულ საქმეში მინიმუმ 10 წლით თავისუფლების აღკვეთა ემუქრება