ახმეტის მუნიციპალიტეტის  სოფელ ზემო ხოდაშენში აბრეშუმის პარკიდან ძაფის ამოხვევის საჩვენებელი ღონისძიება გაიმართა. 

სოფლის მეურნეობის სამინისტროს ინფორმაციით, ღონისძიებას საქართველოს პარლამენტის აგრარულ საკითხთა კომიტეტის თავმჯდომარე გელა სამხარაული, ახმეტის მუნიციპალიტეტის გამგებლის მოადგილე დავით ფოცხვერიშვილი და სოფლის მეურნეობის სამინისტროს სამეცნიერო-კვლევითი ცენტრის თანამშრომლები ესწრებოდნენ. 

უწყების ცნობით, ღონისძიების მონაწილეებმა  თუთის  ახლადგაშენებული პლანტაციები დაათვალიერეს და საქართველოში მეაბრეშუმეობის განვითარების მნიშვნელობაზე ისაუბრეს. 

 აღინიშნა,  რომ მომავალი წლისათვის  აბრეშუმის პარკის მოსავლის მნიშვნელოვანი ზრდა იქნება შესაძლებელი.

აღსანიშნავია, რომ სოფლის მეურნეობის სამინისტროს სსიპ  სოფლის მეურნეობის სამეცნიერო-კვლევითი ცენტრის მუშაობის ერთ-ერთ მიმართულებას  თუთის აბრეშუმხვევიას გენოფონდის შენარჩუნება და მეაბრეშუმეობის დარგის აღორძინების ხელშეწყობა წარმოადგენს. 

ცნობისთვის, დღეისათვის,  საქართველოში    მეაბრეშუმეობის  განვითარების ხელშემწყობი ღონისძიებები დაწყებულია და წარმატებით მიმდინარეობს.   დაირგო ასი ათასი ძირი თუთის ნერგი, რომელიც საქართველოში ბიზნესმენმა, ჯიმშერ ჩხაიძემ  შემოიტანა და  მარტივი ტიპის პარკსახვევ ორ დაზგასთან ერთად სახელმწიფოს უსასყიდლოდ გადასცა. 

ერთი  დაზგა და 2000  ძირი თუთის ნერგი,  ახმეტის მეაბრეშუმეობის სასოფლო-სამეურნეო კოოპერატივს „აბრეშუმხვევიას“ გადაეცა.

სოფლის მეურნეობის სამეცნიერო-კვლევითმა  ცენტრმა აღნიშნულ კოოპერატივს    100 გ. პირველი ასაკის აბრეშუმის ჭიაც  გადასცა.

მეაბრეშუმეებს კონსულტაციებს ცენტრის სპეციალისტი უწევდა.  ამჟამად,  მიღებული აბრეშუმის პარკის  ახალ პარკსახვევ დაზგაზე ამოხვევა მიმდინარეობს.
(NS) 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპის მიღებაზე სროლა ამძაფრებს სიტუაციას საიდუმლო სამსახურის არასაკმარისი დაფინანსების გამო

რუსეთის ფედერაციამ შეუტია ოდესის ოლქის საპორტო ინფრასტრუქტურას

სროლაში ეჭვმიტანილმა აღიარა ტრამპის ადმინისტრაციაზე თავდასხმა

ტრამპზე სროლაში ეჭვმიტანილი იდენტიფიცირებულია