მოქანდაკე მერაბ ბერძენიშვილის ოჯახი საქართველოს ხელისუფლებას და პირადად პრემიერმინისტრ გიორგი კვირიკაშვილს მიმართავს, შესრულდეს ცნობილი ხელოვანის უკანასკნელი სურვილი და დავით აღმაშენებლის ძეგლი თავდაპირველი განთავსების ადგილს დაუბრუნდეს.

განცხადებას ამის შესახებ კულტურის საერთაშორისო ცენტრი „მუზა“ ავრცელებს.

„საქართველოს ხელისუფლებას, საქართველოს პრემიერ-მინისტრს, ბატონ გიორგი კვირიკაშვილს

გადმოგცემთ ქართული საზოგადოების დიდი ნაწილის და ოჯახის თხოვნას: ბატონ მერაბ ბერძენიშვილის უკანასკნელი სურვილი გახლდათ დავით აღმაშენებლის ძეგლის განთავსება თავდაპირველ ადგილზე. გთხოვთ, ძეგლის დაბრუნება მიეძღვნას ბატონ მერაბ ბერძენიშვილის ხსოვნას“, - ნათქვამია მიმართვაში.

მერაბ ბერძენიშვილის მიერ შექმნილი დავით აღმაშენებლის ძეგლის გადატანა ვარდების მოედნიდან 2005 წელს, მოედნის რეკონსტრუქციის დროს გადაწყდა. ძეგლი ამჟამად ქალაქის შემოსასვლელში, დავით აღმაშენებლის ხეივანში დგას. 

ქართველი მოქანდაკე, ფერმწერი და გრაფიკოსი მერაბ ბერძენიშვილი 87 წლის ასაკში 17 სექტემბერს გარდაიცვალა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

700 დღე პროტესტი საქართველოში: დაღლასა და დანებებას შორის

ჩერგოლეიშვილი – ყველა აქციიდან გავყრი სააკაშვილის იმ 30 ბანდერლოგს, რომელიც აქციის მესიჯის დისციპლინას თვითმარქვია ბელადის ბანერებით დაარღვევს

დააკავეს პირი რომელიც ყოფილ მეუღლეს სიცოცხლის მოსპობით დაემუქრა, თუ მასთან შერიგებაზე უარს იტყოდა

ძმის ქორწილში მოკლული გურამ ბოიკოს მკვლელობაში ბრალდებული დააკავეს, ბრალდებული წარსულშიც ნასამართლევია