2016-09-19 12:34:32, 607 ნახვა

---

„ქართული ოცნების“ და „ნარკოპოლიტიკის ეროვნული პლატფორმის“ წარმომადგენლებს შორის შეხვედრა გაიმართება

პარტია „ქართული ოცნება - დემოკრატიული საქართველო“ დღეს, 14:00 საათზე, „ნარკოპოლიტიკის ეროვნული პლატფორმის“ წარმომადგენლებთან გამართავს შეხვედრას.

„ნარკოპოლიტიკის ეროვნული პლატფორმა“ 33 არასამთავრობო ორგანიზაციას აერთიანებს და საქართველოში ნარკოპოლიტიკის ლიბერალიზაციას ემსახურება.

როგორც „ექსპრესნიუსს“ პარტიიდან აცნობეს, დღეს გამართულ შეხვედრაზე პარტია „ქართული ოცნება - დემოკრატიული საქართველოს“ წარმომადგნელები პლტფორმის წარმომადგენლებს გააცნობენ საარჩევნო პროგრამის იმ ნაწილს, რომელიც ნარკოპოლიტიკას უკავშირდება, ასევე მოისმენენ პლატფორმის წარმომადგენლების მოსაზრებებს აღნიშნულ საკითხთან დაკავშირებით.

“„ქართული ოცნება“ მომავალშიც გეგმავს თანამშრომლობას ნარკოპოლიტიკის ეროვნულ პლატფორმასთან ნარკოპოლიტიკის რეფორმირების პროცესში”, - აცხადებენ პარტიაში.

(NS)

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი