საერთაშორისო რესპუბლიკურმა  ინსტიტუტმა (IRI)  თავისი გრძელვადიანი საარჩევნო სადამკვირვებლო მისიის ფარგლებში საქართველოში შვიდი გრძელვადიანი სადამკვირვებლო ჯგუფი მიავლინა: აჭარა, სამეგრელო, იმერეთი, სამცხე-ჯავახეთი, ქვემო ქართლსა და კახეთში.

საერთაშორისო რესპუბლიკური ინსტიტუტის გრძელვადიანმა დამკვირვებლებმა შემდეგი ძირითადი მიგნებები დააფიქსირეს.

IRI- საუბნო საარჩევნო კომისიებში შერჩეულ წევრთა უმრავლესობას ქალები წარმოადგენენ, ხოლო ბევრი ახალგაზრდა მიმართავს კომისიებს  სამუშაოდ დასაწყებად.

მათივე ინფორმაციით, საარჩევნო სუბიექტებისთვის „სახელმწიფო ხალხისთვის“ და „საქართველოს პატრიოტთა ალიანსი - გაერთიანებული ოპოზიცია“ საარჩევნო ნომრების ადრეულმა მინიჭებამ, მისცა მათ უპირატესობა საარჩევნო კამპანიაში, რამაც გაზარდა უთანასწორობის განცდა.

როგორც ორგანიზაციის კვლევაშია ნათქვამი, მონიტორინგის პერიოდში საარცევნო კამპანია მშვიდ გარემოში მიმდინარეობდა.

„პრო-რუსული პარტიები კვლავ სუსტი რჩება, თუმცა მიუხედავად ანტი- დასავლური განწყობისა, მათ მაინც მოიპოვეს გარკვეული მხარდაჭერა მკვეთრად პრო-დასავლურ გარემოში.

„სავარაუდოდ, არჩევნები იქნება კონკურენტული ყველა დონეზე; ბევრ მაჟორიტარულ საარჩევნო ოლქში მოსალოდნელია არჩევნების მეორე ტური.  მაჟორიტარული საარჩევნო ოლქების საზღვრების გადასინჯვამ. მნიშვნელოვანი წვლილი შეიტანა საარჩევნო ოლქების ამომრჩეველთა რაოდენობის გათანაბრებაში. თუმცა პრობლემად რჩება ეთნიკური უმცირესობების ჩართულობა ახალი საზღვრების პირობებში.  ქალთა პოლიტიკური მონაწილეობის გაზრდის მიზნით შემოღებული. ფინანსური წამახალისებელი ნორმის მიუხედავად, ქალები კვლავ არასაკმარისად არიან წარმოდგენილნი მაჟორიტარებად და პარტიულ სიებში.  ცენტრალურმა საარჩევნო კომისიამ გადადგა აქტიური ნაბიჯები,შეზღუდული შესაძლებლობების მქონე პირთათვის საარჩევნო უბნების ხელმისაწვდომობის გასაუმჯობესებლად.ამომრჩეველთა სიის დაზუსტებისთვის გაწეული ძალისხმევა დიდწილად წარმატებული იყო; თუმცა, ზოგიერთ ამომრჩეველს ჯერ კიდევ არ გააჩნია ბიომეტრიული პირადობის მოწმობა.  მედია გარემო აღიქმება როგორც სამართლიანი და დაბალანსებული,საკუთრების უფლების გარშემო მიმდინარე დავების მიუხედავად“,-აღნიშნულია  ანგარიშში. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

იტალიის პრემიერ-მინისტრი პუტინის G20-ის სამიტზე მიწვევას ეწინააღმდეგება

მედია: ტრამპმა პაკისტანში ირანთან მოსალაპარაკებლად აშშ-ს დელეგაცია არ გაგზავნა

სუს: დავაკავეთ სუს-ის ყოფილი და შსს-ს მოქმედი თანამშრომელი, ბრალი ედება სუს-დან საიდუმლო ინფორმაციის გატანაში

ირაკლი [დაჩი] ბერაია აუდიტის სამსახურის უფროსის პირველ მოადგილედ დაინიშნა