16 სექტემბერს 12:00 საათზე ტექნოპარკში (ინოვაციების ქუჩა #7, თბილისი, ოქროყანა) საქართველოს მთავრობის 4-პუნქტიანი გეგმის ფარგლებში განხორციელებული საინვესტიციო პროგრამის ,, სტარტაპ საქართველოს" მენტორშიფის პროგრამის პრეზენტაცია 20 მაღალტექნოლოგიური ბიზნეს იდეის გამარჯვებული გუნდისათვის გაიმართება.

როგორც "ექსპრესნიუსს" ეკონომიკის სამინისტროდან აცნობეს, მენტორშიფი "სილიკონ ველის" უცხოელი ექსპერტების მიერ ცოდნის გაზიარებასა და სტარტაპების პროექტების ონლაინ დახვეწას ითვალისწინებს, რისი ღირებულაბაც თითოეული გუნდისათვის 25 000 ლარს შეადგენს, რომელსაც სახელმწიფო დამწყები ბიზნესმენებისათვის გამოყოფს. 

სტარტაპებს მენტორშიფის პროგრამას პირველი ვიცე-პრემიერი, საქართველოს ეკონომიკისა და მდგრადი განვითარების მინისტრი დიმიტრი ქუმსიშვილი გააცნობს.

მენტორები სილიკონ ველისა და ვენჩურული საინვესტიციო კომპანიის წევრები, ექსპერტები და დამფუძნებლები არიან, რომლებსაც სტარტაპებისა და ინოვაციური ეკოსისტემის ფორმირების  სფეროში მუშაობის მრავალწლიანი გამოცდილება აქვთ.

,,მნიშვნელოვანია პროგრამის მაღალტექნოლოგიური ბიზნეს იდეების სწორი განვითარება, წარმართვა და წარმატებაზე ზრუნვა, რისთვისაც გუნდები  ინდივიდუალურ მენტორებთან ერთად სახელმწიფოს ხელშეწყობით ინტენსიურად იმუშავებენ. მენტორინგი ჯამში 40 საათს მოიცავს, ამ პერიოდის განმავლობაში სტარტაპებს ბიზნესის ჩამოყალიბების ყველა კუთხით დაატრენინგებენ, რაც გაზრდის მათ პოტენციალს წარმატება მოიპოვონ საერთაშორისო ბაზარსა და სილიკონის ველზე", - აცხადებს საქართველოს ინოვაციებისა და ტექნოლოგიების სააგენტოს თავმჯდომარე ირაკლი ქაშიბაძე.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

იტალიის პრემიერ-მინისტრი პუტინის G20-ის სამიტზე მიწვევას ეწინააღმდეგება

მედია: ტრამპმა პაკისტანში ირანთან მოსალაპარაკებლად აშშ-ს დელეგაცია არ გაგზავნა

სუს: დავაკავეთ სუს-ის ყოფილი და შსს-ს მოქმედი თანამშრომელი, ბრალი ედება სუს-დან საიდუმლო ინფორმაციის გატანაში

ირაკლი [დაჩი] ბერაია აუდიტის სამსახურის უფროსის პირველ მოადგილედ დაინიშნა