2016-09-15 09:29:28, 706 ნახვა
საზოგადოება
ჯეჯელავა: ახალი სასწავლო წლის დაწყება 20 სკოლაში გადაიდო
განათლების მინისტრის ალექსანდრე ჯეჯელავას ინფორმაციით, ახალი სასწავლო წლის დაწყება 20 სკოლაში გადაიდო.
როგორც ჯეჯელავამ ჟურნალისტებს განუცხადა, მიზეზი სარემონტო სამუშაოებია და აღნიშნულ სკოლებში, ზოგან ორი დღით დაგვიანდება სწავლის დაწყება, ზოგან მაქსიმუმ ორი კვირით.
მინისტრის განმარტებით, ამ 20 სკოლიდან 13 ამერიკული სკოლაა და სანამ შესაბამისი კომისია არ ჩაიბარებს, ამ სკოლებში სწავლა არ დაიწყება.
ჯეჯელავას თქმით, მოსწავლეებს გაკვეთილის საათები შაბათის ხარჯზე აუნაზღაურდებათ.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
