შრომის ინსპექტორების სამუშაო ინვენტარით აღჭურვა დაიწყო. პირველ ეტაპზე, საქართველოს შრომის, ჯანმრთელობისა და სოციალური დაცვის სამინისტროს შრომის პირობების ინსპექტირების დეპარტამენტმა მიკროკლიმატისა და მავნე ფაქტორების განმსაზღვრელი 4 ტიპის 10 ხელსაწყო შეიძინა.  

სამუშაო ინვენტარით აღჭურვის ფარგლებში, შრომის ინსპექტორებს მტვრის კონცენტრაციის დასადგენი ხელსაწყო გადაეცათ. ის მძიმე მრეწველობის საწარმოებში ჰაერში მტვრის კონცენტრაციის მაქსიმალური სიზუსტით განსაზღვრისა და სტატისტიკური ანალიზისთვის დამუშავებისთვის გამოიყენება. მტვრის კონცენტრაციის გასაზომი ხელსაწყო ქვეყანაში ერთადერთია. ხმაურის განმსაზღვრელ მოწყობილობას ხმაურის აღქმის  ზუსტი შესაძლებლობა  გააჩნია და მიკროფონის საშუალებით, ბგერებს ნებისმიერ გარემოში აღიქვამს. განათების საზომი ხელსაწყო, როგორც შენობაში, ისე მის გარეთ, სინათლის უმცირესი ნაკადის აღქმას უზრუნველყოფს და კომპიუტერთან დაკავშირების შემდეგ,  სინათლის სტატისტიკური ანალიზის განსაზღვრის შესაძლებლობას იძლევა. ტემპერატურისა და ტენიანობის გამზომი ხელსაწყოს მეშვეობით კი, როგორც გარემო საწარმო-დაწესებულებებში  არსებული ტემპერატურისა და  ტენიანობის განსაზღვრაა შესაძლებელი.

ახალი ხელსაწყოები შრომის ინსპექტირების პროცესს, ადამიანის ჯანმრთელობასთან დაკავშირებული რისკების გამოვლენას და საჭიროების შემთხვევაში, პროფესიული დაავადებების დროულ პრევენციას შეუწყობს ხელს.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

იტალიის პრემიერ-მინისტრი პუტინის G20-ის სამიტზე მიწვევას ეწინააღმდეგება

მედია: ტრამპმა პაკისტანში ირანთან მოსალაპარაკებლად აშშ-ს დელეგაცია არ გაგზავნა

სუს: დავაკავეთ სუს-ის ყოფილი და შსს-ს მოქმედი თანამშრომელი, ბრალი ედება სუს-დან საიდუმლო ინფორმაციის გატანაში

ირაკლი [დაჩი] ბერაია აუდიტის სამსახურის უფროსის პირველ მოადგილედ დაინიშნა