ნატო-ს გენერალური მდივანი: რუსეთთან პოლიტიკური დიალოგი მიმდინარეობს, თუმცა სხვა სახის თანამშრომლობა

2016-09-07 21:27:26, 662 ნახვა

პოლიტიკა

ნატო-ს გენერალური მდივანი: რუსეთთან პოლიტიკური დიალოგი მიმდინარეობს, თუმცა სხვა სახის თანამშრომლობა - არა

რუსეთთან პოლიტიკური დიალოგი მიმდინარეობს, თუმცა სხვა სახის თანამშრომლობა - არა, - ამის შესახებ ნატო-ს გენერალურმა მდივანმა იენს სტოლტენბერგმა საერთაშორისო კონფერენციაზე ”ევროპის ცვალებადი გეოსტრატეგიული ლანდშაფტი ვარშავის სამიტის შემდეგ” განაცხადა.

სტოლტენბერგის განცხადებით, ნატო რუსეთთან პოლიტიკურ დიალოგს გააგრძელებს, მაგრამ სხვა მიმართულებით არ ითანამშრომლებს. მისივე თქმით, მნიშვნელოვანია ამ კომუნიკაციის შენარჩუნება.

”2014 წელს ყირიმის უკანონო ანექსიის შემდეგ, ნატომ გადაწყვიტა, რუსეთთან თანამშრომლობა შეეჩერებინა. ეს გადაწყვეტილება კვლავაც ძალაშია. რუსეთთან პოლიტიკური დიალოგი მიმდინარეობს, თუმცა სხვა სახის თანამშრომლობა - არა. ჩვენ ასეთ პოლიტიკურ დიალოგს გავაგრძელებთ, მაგრამ სხვა მიმართულებით არ ვთანამშრომლობთ. მნიშვნელოვანია ამ კომუნიკაციის შენარჩუნება”, - განაცხადა იენს სტოლტენბერგმა.