კალაძემ ლანჩხუთისა და ჩოხატაურის რაიონის მაჟორიტარი დეპუტატობის კანდიდატად ნინო ჭკუასელი წარადგინა

2016-09-07 19:04:43, 667 ნახვა

პოლიტიკა

საქართველოს ვიცე-პრემიერმა და ეკონომიკის მინისტრმა კახი კალაძემ ლანჩხუთისა და ჩოხატაურის რაიონის მაჟორიტარი დეპუტატობის ახალი კანდიდატი წარადგინა.

პარტია "ქართული ოცნება-დემოკრატიული საქართველოს" საარჩევნო შტაბის ხელმძღვანელის განცხადებით, აღნიშნულ რაიონებში მაჟორიტარობის კანდიდატი ნინო ჭკუასელი იქნება. ამასთან, ვიცე-პრემიერმა საზოგადოებას ბოდიში მოუხადა იმის გამო, რომ მას პრემიერის ნაცვლად მოუწია კანდიდატის წარდგენა.

"როგორც იცით პრემიერი ნატო-ს გენერალურ მდივანს იენს სტოლტენბერგს მასპინძლობს და ეს ვიზიტი ჩვენი ქვეყნის ძალიან მნიშვნელოვანია. გიხდით ბოდიშს, რომ პრემიერი დღევანდელ ბრიფინგს ვერ დაესწრო", - აღნიშნა კალაძემ.

მისივე ინფორმაციით, აქამდე ლანჩხუთისა და ჩოხატაურის რაიონის მაჟორიტარობის კანდიდატი თეიუმურაზ ჭკუასელი იყო.

"ბატონი თეიმურაზ ჭკუასელის ნაცვლად წარმოიგიდგენთ ქალბატონ ნინო წილოსანს, რომელიც ძალიან წარმატებული ადამიანია. ის საერთაშორისო ეკონომიკური ურთიერთობების მაგისტრი გახლავთ, გავლილი აქვს პოლიტიკის კურს ოქსფორდის უნივერსიტეტში, მას აქვს ბიზნეს სექტორში საქმიანობის გამოცდილება და წლების განმავლობაში "ელექტროვაგონშემკეთებელი" ქარხნის საფინანსო ეკონომიკური განყოფილების უფროსი იყო, დღეს კი ამ კომპანიის სამეთვალყურეო საბჭოს თავმჯდომარეა", - განაცხადა კალაძემ.

ენერგეტიკის მინისტრის თქმით, მაჟორიტარობის ახალი კანდიდატი ნინო ჭკუასელი ლანჩხუთელია და მას რაიონის მოსახლეობა კარგად იცნობს. ვიცე-პრემიერმა ახალ კანდიდატს წარმატება უსურვა და აღნიშნა, რომ ის კარგი მაჟორიტარი დეპუტატი იქნება.

"რაც შეეხება ბატონ თემურს, ის რჩება ჩვენი გუნდის წევრად, ასევე იქნება საპარლამენტო სიის წარმომადგენელი და ჩვენთან ერთად გამარჯვებისთვის ბრძოლას გააგრძელებს. მე მჯერა, რომ ჩვენ ყველანი ერთად, აუცილებლად გავიმარჯვებთ", - განაცხადა კალაძემ.