ნატო-ს გენერალური მდივნის ხელმძღვანელობით ჩრდილოატლანტიკური საბჭოს ვიზიტი პირველ რიგში, საქართველოს ევროატლანტიკური ინტეგრაციის გზის პოლიტიკური მხარდაჭერაა, - ამის შესახებ საქართველოს საგარეო საქმეთა მინისტრმა მიხეილ ჯანელიძემ განაცხადა.

როგორც მინისტრმა განმარტა, ჩრდილოატლანტიკური ალიანსის დელეგაციას ექნება სრული სურათი იმისა, თუ როგორ ვითარდება ქვეყანა  და რა ნაბიჯებს დგამს ნატო-ში გაწევრიანებისთვის.

”გენერალური მდივანი და ატლანტიკური საბჭო ქვეყანაში ჩამოდის მნიშვნელოვან პერიოდში ვარშავის სამიტის შემდეგ, რაც არის პირველ რიგში, პოლიტიკური მხარდაჭერა საქართველოს ევროატლანტიკური ინტეგრაციის გზის. ეს არის დადასტურება ყველა იმ შედეგის, რომელიც საქართველოს მთავრობას ჰქონდა ამ პერიოდის განმავალობაში. ეს ვიზიტი არის ხაზგასმა ჩვენი რეფორმების, რათა მათ თავიანთი თვალით ნახონ, დაათვალიერონ როგორც თავდაცვის სფეროში განვითარებული რეფორმები და განხორციელებული პროექტები, ასევე ისაუბრონ საქართველოში ყველა ფაქტორთან, იქნება ეს საქართველოს მთავრობა, სამოქალაქო საზოგადოება, მედია, პოლიტიკური პარტიები თუ ა.შ. მათ ექნებათ სრული სურათი თუ როგორ ვითარდება ქვეყანა და რა ნაბიჯებს დგამს, იმისთვის, რომ ჩვენ კიდევ უფრო მეტად დავუახლოვდეთ ევროატლანტიკურ სივრცეს და ჩვენი მიზანი იყოს შესრულებული ერთობლივად”, - განაცხადა ჯანელიძე.

ამასთან, ჯანელიძეს თქმით, საუბარი შეეხება იმას, თუ როგორ უნდა განხორციელდეს ვარშავის სამიტის გადაწყვეტილებები.

„საუბარი შეეხება გამოწვევებს, საფრთხეებს, რომელიც დღეს რეგიონშია და არა მარტო საქართველოს აქვს, არამედ დღეს ევროატლანტიკურ სივრცეს გააჩნია. იმ პარტნიორობით და ღრმა თანამშრომლობით, რომელიც ჩვენ ალიანსთან გვაქვს, როგორ შეიძლება ამ საფრთხეებს გავუმკლავდეთ და რა შეიძლება იყოს ის ნაბიჯები, რომელიც ერთად გადაიდგმება. ეს ნაბიჯები ვარშავის სამიტზე შეთანხმდა. ეს არის ჩვენი მეტი ჩართულობა და მონაწილეობა შავი ზღვის სტრატეგიული განხილვის საკითხებში, უსაფრთოების საკითხებში. ეს არის საჰაერო თავდაცვა, ეს არის ჩვენი სხვა ორმხრივი თანამშრომლობა ნატო-ს წევრ ქვეყნებთან ტერიტორიული თავდაცვის გაძლიერების კუთხით, რა თქმა უნდა, სტატეგიული კომუნიკაციების მიმართულება. ჩვენ ვისაუბრებთ კონკრეტულად როგორ უნდა განხორციელდეს ვარშავის სამიტის გადაწყვეტილებები”, - განაცხადა ჯანელიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

განათლების შესაძლებლობა მომავალი არქიტექტორებისთვის - საქართველოს ბანკის გიორგი ჩახავას სახელობის სასტიპენდიო პროგრამაზე მიღება დაიწყო

თიბისის საავტორო ღონისძიებების სერია - GitHub-თან პარტნიორობით CO-CREATE INNOVATION-ის მეორე შეხვედრა გაიმართა

რასა იუკნევიჩიენე - ხოშტარიას ჯანმრთელობაზე სრული პასუხისმგებლობა „ქართულ ოცნებას“ ეკისრება

საკონსტიტუციო სასამართლოს სხდომაზე ბადრი ჯაფარიძესა და გორდულაძეს შორის სიტყვიერი დაპირისპირება იყო