2017-10-11 18:03:47, 1250 ნახვა
საზოგადოება
იუსტიციის სამინისტროს თანამშრომლებმა პროფესიული დღესასწაული აღნიშნეს
11 ოქტომბერი იუსტიციის დღეა. პროფესიული დღესასწაული იუსტიციის სამინისტროს თანამშრომლებმა ეროვნული არქივის საგამოფენო პავილიონში აღნიშნეს.
იუსტიციის დღე მათ მინისტრმა თეა წულუკიანმა მიულოცა. ღონისძიებას ესწრებოდნენ, აგრეთვე იუსტიციის მინისტრის მოადგილეები: ალექსანდრე ბარამიძე, მიხეილ სარჯველაძე და გიორგი პატარიძე.
იუსტიციის დღე საქართველოში 1918 წლის 11 ოქტომბრიდან აღინიშნება. სწორედ 11 ოქტომბრის კანონით დამოუკიდებელი საქართველოს იუსტიციის სამინისტროსთან დაარსდა საკოდიფიკაციო განყოფილება, რომელიც ახორციელებდა კანონმდებლობის კოდიფიკაციასა და “კანონთა და მთავრობის განკარგულებათა კრებულის“ ოფიციალურ გამოცემას.
(NS)
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
